PIV 2026 · Artikolo 4354

fazo

Litero F

Derivaĵoj en la artikolo 10
  1. faza
  2. defaziĝ/o
  3. du/ploid/a fazo
  4. elfazig/i
  5. elfazig/o
  6. interfazo
  7. lunfazo
  8. malfaza
  9. samfaza
  10. unu/ploid/a fazo
fazo
1 ĉiu el la difinitaj sinsekvaj statoj en la evoluado de fenomeno: fazoj de malsano fazoj de milito fazoj de elektoj ➞ stadio.
2 FIZI pri tensioj, kurentoj, ondofunkcioj kaj aliaj periodaj funkcioj la varia angulo en la sinuseca aŭ kompleks-eksponenta prezento de iu grando. ➞ fazdiagramo, faztransiro.
3 ELEK ĉiu el la partoj de sistemo, inter kiuj daŭre ekzistas fiksita faza diferenco: la fazoj R, S kaj T de trifaza sistemo
4 KEMI stato, en kiu substanco povas aperi: likva fazo gasa fazo solida fazo ➞ fazdiagramo, faztransiro.
5 ASTR perioda aspektoŝanĝo de astro: la fazoj de la luno
6 BIOL ĉiu el la sinsekvaj statoj en la ciklo de ĉelo: mitozaj fazoj mejozaj fazoj
7 BIOL ĉiu el la sinsekvaj statoj de ribosomo, kiu legas genan mesaĝon laŭ sinsekvo de kodonoj. ➞ stadio.
8 BIOL BOTA parto de la vivociklo de vegetaĵo kaj pli ĝenerale de vivulo, karakterizata de n kromosomoj (unuploida fazo) aŭ de 2n (duploida fazo). ➞ generacio 2.
faza ELEK FIZI rilata al fazo 2 aŭ fazo 3: faza diferenco inter tensio kaj kurento simbolo: ϕ faza volvaĵo faza konduktilo faza tensio plurfigurasence faza alterna kurento
defaziĝo diferenco disde la origina fazo.
duploida fazo BIOL BOTA tiu parto de vivociklo, dum kiu specio estas duploida.
elfazigi ELEK alterna kurento ŝanĝi el la origina fazo.
elfazigo ago elfazigi: TELE la konstanto de elfazigo
interfazo BIOL fazo en la ciklo de ĉelo, kiam ĝi kaj ties nukleo ne dividiĝas: la ĉela ciklo komenciĝas per mitozo kaj finiĝas per la fino de interfazo
lunfazo ASTR ĉiu el la ok diversaj aspektoj de la luno, dum luna monato. ➞ novluno, lunarko, duonluno, lunĝibo, plenluno.
malfaza ELEK prezentanta fazan diferencon je 180°.
samfaza prezentanta nulan fazan diferencon. ➞ kvadratura, opozicia.
unuploida fazo BIOL BOTA tiu parto de vivociklo, dum kiu specio estas unuploida.