PIV 2026 · Artikolo 4603

★fliki

Litero F★ Fundamenta

Derivaĵoj en la artikolo 13
  1. fliko
  2. flikaĉ/i
  3. flikaĵ/o
  4. flikil/o
  5. flikil/ar/o
  6. flikist/o
  7. flikist/in/o
  8. flikit/aĵ/o
  9. flikum/i
  10. fadenofliki
  11. farb/ofliki
  12. ŝuofliki
  13. ŝuoflikist/o
★ fliki tr
1 ripari truitan veston k.s. surkudrante pecon de taŭga materialo, ŝtofo, ledo k.s.: fliki malnovan ĉemizon li eĉ flikadis al si siajn ŝuojn Z ŝuoj malnovaj kaj flikitaj estis sur iliaj piedoj MT (analoge) en fremda tegmento li flikas truon kaj en propra ne vidas la fluon Z kiel fliki tiun truon inter infana kaj adoleska aĝoj? AWa
2 KOMP realigi la ŝanĝojn priskribitajn en flikaĵo 2: fliki dosieron fliki cimon fliki programon
3 (figurasence) ripari ion laŭpove kaj eventuale nur parte: truon de l’ honoro flikos neniu tajloro Z vanaj kompromisoj, kiuj flikas unu lokon, krevigante alian Z ĉu vi komencos simple flikadi la karton mapon de Eŭropo? Z
fliko ago fliki aŭ la rezulto: ne fidu amikon, kiu havas jam flikon Z
flikaĉi mallerte aŭ krude fliki ion.
flikaĵo
1 peco de materialo surkudrita sur truita vesto.
2 KOMP dosiero enhavanta ŝanĝojn aplikeblajn al alia(j) dosiero(j), kutime por ripari eraron en programo.
flikilo kudrilo por fliki: estis iam flikilo, kiu imagis al si, ke ĝi estas kudrilo Z
flikilaro ilaro necesa por fliki: flikilaro por biciklaj pneŭmatikoj
flikisto, flikistino persono, kiu metie flikadas.
flikitaĵo
1 la flikita parto de vesto.
2 kuniĝo de senkoheraj scioj, pecoj, verkeroj k.s. ➞ kompili.
flikumi fadenfliki.
fadenofliki fliki veston k.s. plenigante truon per teksaĵo el fadenoj: fadenfliki ŝtrumpojn ➞ teksoŝtopi.
farbofliki surmeti novan tavoleton da farbo por kovri defrotitan parton.
ŝuofliki ntr fliki eluzitajn ŝuojn.
ŝuoflikisto persono, kiu metie flikas malnovajn ŝuojn.