PIV
← Reen al G

PIV 2020 · 5008

Galvan/o

Galvan/o. Itala kuracisto (L. Galvani, 1737−1798).
galvano ⏚ Efiko de kontinua kurento: galvanokaŭtero, galvanoplastiko, galvanotipo.
galvana Z. Rilata al galvano: ⚕ galvana kurento (uzata en elektroterapio; ark.: = voltaa).
galvanaĵo. galvana kliŝo, reproduktita reliefe per galvanoplastiko.
galvanismo. Fenomeno, rezultanta el la efiko de kontinua kurento sur organismon. ☞ elektroterapio.
galvanizi (tr) Ⓣ
1 Surkovri ion per maldika tavolo da metalo helpe de elektroliza kontinua kurento: oni ordinare galvanizas metalajn surfacojn per zinka tavolo, tiel ŝirmante ilin kontraŭ rustiĝo. ☞ zinki.
2 ⚕ Terapie submeti al kontinua kurento. ☞ elektri, faradizi.
galvanizado. Procedo, per kiu oni galvanizas: galvanado de kuleroj, forkoj, aŭtomobilaj pecoj.
galvanometro Z ⏚ Aparato por mezuri la intenson de malforta kurento k montri ties direkton per devio de magneta montrilo.
galvanoskopo ⏚ Instrumento por detekti la ĉeeston k direkton de kurento: galvanoskopo estas malpli preciza ol galvanometro k nun malmulte uzata.