PIV 2026 · Artikolo 546
★almenaŭ
★ almenaŭ
1 ne malpli ol; se ne pli; eĉ limigante sin je la plej malgranda kvanto: foso, kiu havis almenaŭ ok futojn da larĝeco Z tio kostos almenaŭ dek milionojn arta lingvo estas almenaŭ kvindek fojojn pli facila, ol ĉia lingvo natura Z io tia, kio alproksimigus la celon almenaŭ je unu paŝo Z neniu povas dubi, ke ĉiujn, aŭ almenaŭ la grandegan plimulton de la personoj, ligas unu komuna ideo Z ŝi estas almenaŭ kvardekjara vi ŝajnas almenaŭ tiel juna kiel via kuzino
1 Kiam oni indikas samtempe la superan kaj la malsuperan limojn, oni prefere uzu minimume: la ĉambro entenas minimume 200, maksimume 250 personojn
2 eĉ en la plej malfavora okazo; se estas neeble fari pli bone; se ne estas pli kontentiga solvo: vi povas tute ĝin la artikolon ne uzadi, almenaŭ ĝis la tempo kiam vi tute bone scios ĝian signifon Z la vera stilo Esperanta estas — aŭ almenaŭ devas esti — nur stilo simpla kaj logika Z ha, mia Dio, almenaŭ ian simplan brasikaĵon! Z almenaŭ neniun ili havu viva! Z sed mi almenaŭ estos trankvila en mia koro Z tio prezentis estantecon malgajan, nudan, sed almenaŭ jam klare difinitan Z post tia skandalo li almenaŭ devus silenti