PIV 2026 · Artikolo 5667
★hamstro
Derivaĵoj en la artikolo 5
★ hamstro ZOOL
1 malgranda mamulo, ronĝulo, kun vangoj ŝanĝiĝintaj al saketoj, en kiuj ĝi portas manĝaĵojn; ĝi ankaŭ kolektas manĝaĵojn por la vintro en subteraj kavoj; ĝi vivas en centra kaj orienta Eŭropo kaj Azio. membro de la subfamilio Cricetinae (hamstroj) el la familio Cricetidae
2 hamstro 1 de la genro Cricetus.
hamstri amasigi al si provizojn aŭ nutraĵojn, ofte en neleĝa maniero, precipe pro timo al krizo, striko, milito ktp: el tiuj vermetoj Maria «hamstris» tiom, ke ili sufiĉus eĉ ĝis la tria mondmilito FSz ➞ ŝakri.
hamstredomamulo en tiu taksonomia familio, kies tipgenro estas hamstro 2. membro de la familio Cricetidae (hamstredoj)
granda hamstrohamstro kun mallonga vosto; la pelta koloro diversas, sed ofte nigra sur la ventro, bruna sur la dorso, kaj blanka kaj kremkolora ĉe la nazo, piedoj, vangoj, kolo, kaj malantaŭ la antaŭaj kruroj; indiĝena en herbejoj en granda parto de Eŭrazio de Belgujo ĝis Ĉinujo. specio Cricetus cricetus
migra hamstro tre malgranda hamstro kun mallonga vosto; kun pelto brune griza supre kaj blanka sube; trovata de orienta Eŭropo tra Azio ĝis okcidenta Ĉinujo. specio Nothocricetulus migratorius
ora hamstro hamstro kun preskaŭ nevidebla vosto; kun pelto oranĝa kaj blanka; origine el Sirio, ofte uzata kiel dorlotbesto aŭ kiel laboratoria besto. specio Mesocricetus auratus