PIV 2026 · Artikolo 6576

injekti

Litero I

Derivaĵoj en la artikolo 4
  1. injekto
  2. injektaĵ/o
  3. injektil/o
  4. pravaz/a injektil/o
injekti tr
1 MEDI enŝprucigi likvon aŭ gason en naturan aŭ patologian kavon, en vaskulon aŭ en histon: injekti duonon de la ampolo en la muskolon injekti morfinon al agonianto (analoge) vipuro injektas venenon per siaj dentoj
2 TEKN enŝprucigi likvon, vaporon k.s.: injekti kreozoton en lignon por malhelpi la putron injekti mazuton en kaldronon
injekto ago aŭ procedo de injektanto, aŭ la rezulto de tiu ago: envejna injekto de kalcio injekto de betono sur la fundamenton de ŝanceliĝanta konstruaĵo
injektaĵo la injektata substanco.
injektilo
1 MEDI malgranda pumpilo el vitro por injekti injektaĵon, aŭ por elsuĉi sangon aŭ alian organisman likvon. ➞ pravaza injektilo.
2 TEKN aparato por injekti: elektronika injektilo
pravaza injektilo MEDI injektilo ordinare el vitro aŭ plasto, provizita per kava nadlo por injekti substancojn en histojn aŭ vaskulojn, aŭ ankaŭ por detiri organan likvon; nomita laŭ Pravazo.