PIV 2026 · Artikolo 7644

★kavaliro

Litero K★ Fundamenta

Derivaĵoj en la artikolo 7
  1. kavalira
  2. kavaliraĵ/o
  3. kavalirec/a
  4. kavalirec/o
  5. kavalirism/o
  6. krucokavaliro
  7. templ/okavaliro
★ kavaliro
1 en la antikva Romo civitano apartenanta al tiu el la tri ordoj, kiu estis meza inter la pleba kaj la patricia.
2 en la Mezepoko nobelo ricevinta la kavalirecon: migranta kavaliro la vaganta kavaliro povos uzi sian glavon kaj sian ŝildon Z la Kavaliro de la Trista Mieno Donkiĥoto ➞ paladino.
3 en ordeno ricevinto de la malplej alta grado: kavaliro de la Krurzono kavaliro de la Honorlegio (figurasence) kavaliroj de la verda stelo esperantistoj ➞ komandoro, oficiro.
4 nobelo distingiĝinta per sia galanteco, precipe akompananta damon aŭ sinjorinon: kavaliroj kaj sinjorinoj el malnova tempo Z mi petas vin , ke mi havu la rajton nomi min via kavaliro kaj en ĉiuj cirkonstancoj porti viajn kolorojn! Z
kavalira rilata al kavaliro: kavalira braveco kavalira eleganteco ilin sekvis per kavaliraj paŝoj la koko Z kavalira bieno Z kavaliraj ludoj ➞ turniro Z kavaliraj romanoj kavaliraj poemoj
kavaliraĵo
1 ago kavalireca.
2 rubando de kavalira ordeno: kavaliraĵon oni metas al vi trans la ŝultron Z
kavalireca havanta la heroan karakteron de la mezepoka kavalireco: kavalireca konduto kavalireca sindonemo
kavalireco
1 eco, rango aŭ titolo de kavaliro.
2 = (prefere) kavalirismo.
kavalirismo militista institucio kun religia kaj heroa karaktero, starigita ĉe la feŭda nobelaro, kaj trudanta al siaj anoj maltimon antaŭ danĝero, lojalecon, protektadon al malfortuloj kaj ĝentilecon al virinoj.
krucokavalirokavaliro, kiu partoprenis krucmiliton.
templokavaliro kavaliro el la ordeno de la Templo.