PIV 2026 · Artikolo 8259

★konforma

Litero K★ Fundamenta

Derivaĵoj en la artikolo 17
  1. konforme al
  2. konformi
  3. konformec/o
  4. konformig/i
  5. alkonformig/i
  6. konformig/i si/n
  7. alkonformig/i si/n
  8. konformiĝ/i
  9. alkonformiĝ/i
  10. konformism/o
  11. konformist/o
  12. interkonformig/i
  13. interkonformiĝ/i
  14. merkatkonforma
  15. nekonforma
  16. nekonformec/o
  17. nekonformism/o
★ konforma
1 tia, ke ĝia formo estas ĝuste simila al tiu de alia objekto rigardata kiel modelo: kopio konforma al la originalo la fizika organizo de la homo estas konforma al tiuj de aliaj mamuloj miaj deziroj estos ĉiam konformaj al la viaj
2 POLI ĝuste responda al tio, kion iu volas aŭ io trudas: mia konduto estis konforma al viaj ordonoj vivmaniero certe ne konforma al la reguloj de la higieno Z zorgu, ke viaj agoj estu ĉiam konformaj al viaj principoj
3 bone akordiĝanta aŭ ĝuste taŭga: vi povas prunti la vestojn de la soldato, ili estos konformaj al vi Z ĉu liaj konsiloj estas konformaj al la natura irado de nia lingvo Z la titolo kaj la kostumo estis tute konformaj unu al la alia Z li videble serĉis vortojn konformajn al la situacio Z la profesioj instruista kaj artista montriĝis ne konformaj por vi Z
4 MATE bildigo 2 konservanta ĉiujn angulojn.
konforme al en maniero konforma al: ordoni konforme al la kutimoj kaj moroj Z konforme al tiu deklaro Z konforme al via tuta bonfaremeco deturniĝu nun Via kolero MT konforme al Via vorto MT
konformi ntr esti konforma: tiu kopio ne konformas al mia manuskripto
konformeco eco de io konforma: estas inter ili ia mirinda konformeco de gustoj kaj opinioj la konformeco de la kultivoj kun la grundoj
konformigi, alkonformigi fari, ke io estu konforma: konformigu la gestojn al la vortoj kaj la vortojn al la gestoj Z niaj artikoloj devas esti konformigitaj al la bezonoj kaj gustoj de la gazetoj Z konformigi dieton al la temperamento de malsanulo fabeloj estas ordinare alkonformigitaj al la aĝo de la infanoj Z li alkonformigis al ĝi sian propran agadon Z mi tute alkonformigis tiun ĉi dismembriĝon de la lingvo al la spirito de la lingvoj Eŭropaj Z ➞ alĝustigi.
konformigi sin, alkonformigi sin igi sin konforma: miaj decidoj konformigas sin al la volo de la reĝo Z alkonformigi sin al la volo kaj opinio de ĉiuj aliaj Z
konformiĝi, alkonformiĝi iĝi konforma (al io), konformigi sin, alkonformigi sin: ĝi la kongreso devas resti tute libera kaj konformiĝi ĉiufoje al la opinioj kaj deziroj de la plimulto de la kongresanoj Z ĉi tiuj birdejoj estas konstruitaj por konformiĝi al la apartaj kondutaj bezonoj de la koncernaj birdoj CCa ŝi tamen komencis danci, sed ŝi tute ne povis alkonformiĝi al la takto Z la virinoj ne estas ankoraŭ edukataj tiamaniere, ke ili povu alkonformiĝi al la postuloj de tia socio Z
konformismo SOCI tendenco de iu, kiu konformigas sin al la reganta ideologio aŭ al la tradiciaj kutimoj kaj moroj.
konformisto ano de konformismo.
interkonformigi reciproke konformigi: belaj kaj harmonie interkonformigitaj objektoj Z
interkonformiĝi konformiĝi unu al la alia: ĉi tiuj ambaŭ estaĵoj de malsamaj aĝoj tiel interkonformiĝis reciproke , ke Z
merkatkonforma EKOL konforma al la postuloj de t.n. libera merkato: merkatkonforma instrumento de mediopolitiko estas t.n. ekoimposto
nekonforma kontraŭa:opinio nekonforma al la nia
nekonformeco eco de io nekonforma: la nekonformeco neakordiĝo de la adjektivo kun substantivo Z
nekonformismo SOCI tendenco de iu, kiu pri grava punkto ne akceptas ian moron de sia medio.