PIV 2026 · Artikolo 9026
★lado
Derivaĵoj en la artikolo 12
★ lado relative maldika plato el metalo, precipe el fero; metalfolio: galvanizita lado kruda lado onda lado stanita lado la homo kun la flava lado sur la brusto policisto Z ➞ ladbendo, ladbotelo, ladotondilo.
lad prefikso
ladaĵo kuira aŭ hejma ilo el stanita ferlado.
ladaĵisto vendisto de ladaĵoj.
ladisto fabrikisto aŭ riparisto de ladaj objektoj.
dinamolado ELEK ferlado alojigita per silicio, uzata por fari la kernojn de elektromagnetoj kaj transformiloj kaj la polusojn kaj induktatojn de elektraj maŝinoj.
elladigilo ilo por malfermi ladskatolojn.
enladigi enmeti preparitajn manĝaĵojn en ladskatolon poste lutotan, por ke ili sendifekte konserviĝu.
ferlado nestanita lado.
gutlado KONS ŝirmlado por pluvo, sub kaj super fenestroj (aŭ pordoj).
ondolado ferlado prezentanta paralelajn kurbiĝojn alterne konveksajn kaj konkavajn.
ŝtallado ŝtala lado.
nervura ŝtallado TEKN lado el ŝtalo, dika je 5 mm kun strioj lozanĝe strekitaj, elstarantaj je 2 mm sur unu faco, en formo de plato; servas sur metalaj pontoj aŭ por kovrado de truoj (ekz. sur kloaka enirejo).