PIV 2026 · Artikolo 9025

★laĉo

Litero L★ Fundamenta

★ laĉo
1 ŝnureto el kotono, silko, ledo k.s., kiun oni trapasigas tra specialaj truetoj por streĉi kaj kunligi du partojn de vestoj, korseto, ŝuoj k.c.
2 (figurasence) io simila al laĉo 1 (koliero, plektaĵo k.s.): laĉo da koloraj koraletoj ĉirkaŭis la kolon Z knabineto tiris kun si longan puncan laĉon, kun kiu ŝi antaŭ momento verŝajne faradis gimnastikajn ekzercojn Z ➞ laĉtruo, laĉoŝuo.
laĉi tr
1 kunligi ion per laĉo: li laĉis siajn ŝuojn SŠt al ŝi korsaĵon laĉis ĉambristino G ➞ tredilo.
2 (figurasence) ligi, malhelpi aŭ ĝeni ion aŭ iun: mi ne volas pensi pri tio! Ke mi enpremu mian korpon en korseton kaj mi laĉu mian volon per leĝoj! Z
3 (evitinde) buki: estas nun modo porti ĉe la pantalonoj bukojn, per kiuj oni povas laŭvole laĉi ilin pli vaste aŭ pli malvaste Z
ŝulaĉo laĉo de ŝuo: li haltis por reordigi sian malnodiĝintan ŝulaĉon FSz