PIV 2026 · Artikolo 9024
★lacerto
Derivaĵoj en la artikolo 5
★ lacerto ZOOL
1 reptilio kun skvama, longa korpo kun iom post iom mallarĝiĝanta vosto; kun kvar kruroj, moveblaj palpebroj, kaj eksteraj orelaj truoj. membro de la subordo Lacertilia (lacertoj) el la ordo Squamata lacertoj rapidkuraj kaj viglaj Z ➞ agamedo, akontio, drako, geko, igvanedo, lacertedo, scinko.
2 lacerto 1 de la genro Lacerta.
Lacerto ASTR malgranda nordhemisfera konstelacio. Lacerta
dorna lacerto ZOOL lacerto, kies skvamoj portas po unu grandan pinton similan al dorno, precipe sur la nuko kaj la kapo; ĝi vivas en Aŭstralio kaj estas tute sendanĝera. subfamilio Amphibolurinae, ekzemple specio Moloch horridus Sin. moloĥo 1, moloko.
franĝokola lacerto lacerto, agamedo, kun granda franĝo ĉirkaŭ la kolo, kiu kutime restas faldita sur la korpo, kaj kiu utilas por timigi predantojn kaj aliajn samspecajn lacertojn; ĝis 90 cm longa; ĝenerale griza, bruna, oranĝe bruna, aŭ nigra; la franĝo havas ruĝan, oranĝan, flavan aŭ blankan kolorojn; indiĝena en norda Aŭstralio kaj suda Novgvineo. specio Chlamydosaurus kingii ➞ agamedo.
vera lacerto tipa lacerto, malgranda aŭ mezgranda, ĉefe insektomanĝanta; vivanta en Eŭropo, Afriko aŭ Azio. membro de la familio Lacertidae (veraj lacertoj, lacertedoj) el la ordo Squamata Sin. lacertedo.