PIV 2026 · Artikolo 15175
★ŝnuro
Derivaĵoj en la artikolo 21
★ ŝnuro
1 kunaĵo el kuntorditaj samlongaj fadenoj, uzata por ligi, tiri, kudri k.a.: gudra ŝnuro peĉa ŝnuro ŝi serĉis ŝnuron, por kunligi la librojn pastro, ligita per ŝnuroj je la manoj kaj piedoj Z en dom’ de pendigito pri ŝnuro ne parolu Z sur ŝnuro pendantaj fiŝoj Z ĝi bojis kaj saltis, li devis streĉi la ŝnuron Z oni tute ne bezonis plu tiri la ŝnuron. La pupo fariĝis kvazaŭ vivanta homo Z ŝnuro de sonorilo
(figurasence) estas li, kiu tiras la ŝnurojn estas la vera reganto aŭ agitanto la ŝnuroj de lia peko lin tenos MT tordi ŝnurojn el sablo vane peni Z
2 MATE streko inter du punktoj de arko 1.
3 AVIA rekta linio kuniganta la du ekstremojn de ala profilo de aviadilo.
ŝnurado ago ŝnuri.
ŝnuraro tuto de la ŝnuroj de boato aŭ ŝipo. ➞ rigilaro.
ŝnurego forta dika ŝnuro kun diametro de pli ol 4 mm, servanta por streĉi maston, pendigi ŝarĝon, tiri veturilon, treni barĝon k.s.:kanaba ŝnurego ŝtala ŝnurego multe da batoj per ŝnurego li devis sperti Z ➞ haŭsero, kablo.
ŝnurero ĉiu el la fadenoj, kiuj konsistigas ŝnuron: la ŝnureroj estas samlongaj kiel la ŝnuro mem, dum la fibroj de fadeno estas malpli longaj ol la fadeno mem
ŝnureto malforta ŝnuro kun malpli ol tri ŝnureroj, servanta por ligi malpezajn paketojn. ➞ lineo ① 1.
ŝnuristo homo, kiu faras ŝnurojn.
ŝnurumi tr
1 torde kunigi plurajn fadenojn por fari ŝnuron.
2 ELEK torde kunigi du aŭ plurajn izolitajn dratojn laŭ ŝnuro por fari la kernon de kablo 2, ŝirmitan kontraŭ indukto.
ŝnurumo maniero, kiel oni ŝnurumas: para ŝnurumo de telekomunikaj kabloj kvarobla ŝnurumo de telekomunikaj kabloj stela ŝnurumo de telekomunikaj kabloj
brulŝnuro meĉo 2.
kaptoŝnurolazo.
kunŝnuri per ŝnuro ligi aferojn unu al alia, ekz. SPOR la anojn de alpisma ekspedicio per ŝnurego.
ligoŝnuromallonga ŝnuro por ligi boaton al paliso, ŝipo k.s.
piedŝnuro MARN ŝnuro fiksita por faciligi grimpadon. ➞ ŝnurŝtupetaro.
rektoŝnuro ŝnuro por liniigi aŭ rektigi: aleo desegnita per la rektoŝnuro lia mano dividis por ili laŭ rektoŝnuro MT (figurasence) li la Eternulo etendos super ĝi la lando rektoŝnuron de ruinigo MT
saltoŝnuro malpeza ŝnuro kun manteniloj, uzata de infanoj, dancistoj k.s. por ŝnursalti.
sav1ŝnuro ŝnuro fiksita por helpi preterirantojn, kiuj alie eble falus pro balanciĝo de ŝipo aŭ boato.
sekigŝnuro ŝnuro, kiun oni pendigas horizontale por fiksi ĉe ĝi sekigotan tolaĵon.
senŝnurigi demeti la ŝnurojn for de iu aŭ io.
stirŝnuro ŝnuro, per kiu oni movas mane la direktilon de boato, kanoto k.s.
umbilika ŝnuro ANAT organo interliganta la feton al la placento. Sin. umbilika funiklo.