PIV 2026 · Artikolo 15224
★ŝuo
Derivaĵoj en la artikolo 21
★ ŝuo
1 piedvesto, ordinare alĝustigita, kovranta la piedon nur ĝis la maleoloj: leda ŝuo felta ŝuo ferita protekta, ŝirma ŝuo kaŭĉuka ŝuo laĉa ŝuo ligna ŝuo marŝa ŝuo neĝa ŝuo sabla ŝuo salona ŝuo somera ŝuo tola ŝuo vintra ŝuo poluri ŝuojn ciri ŝuojn ŝmiri ŝuojn senkotigu la ŝuojn antaŭ ol eniri! paro da ŝuoj Z nur fine de la 16a jc oni faris distingajn formojn por la dekstra kaj la maldekstra ŝuo inter la ŝuoj staris paro da ruĝaj kiuj ne estis laŭmezuraj Z sep riveretoj, kiujn oni povos transiri en ŝuoj MT esti libera, se eĉ sen plandoj ĉe la ŝuoj ! Z
(figurasence) esti sub la ŝuo (de sia edzino) ĉiam cedi al ŝi Z jen kie la ŝuo pinĉas! jen la kerno de la problemo
➞ babuŝo, boto, boteto, galoŝo, kalkanumo, pantoflo, sandalo, ŝudorso, ŝufliki.2 TEKN peco analoga al ŝuo en formo aŭ uzo: ŝuo de bremso la frotpeco ŝuo de kablo koŝo ŝuo de paliso ŝuo de lanco ŝuo de bastono fina malsupra ferpeco ŝuo de sledo ŝuo de afusto peco, per kiu ili pezas sur la grundo
ŝui tr surmeti ŝuo(j)n al iu aŭ sur ies piedo(j)n: Robin Hood jam sin kapuĉis, ĉapelis kaj ŝtrumpis kaj ŝuis BriE
ŝuaĉo malbona eluzita ŝuo.
ŝuaĵo piedvesto simila al ŝuo: li pretigis glitilojn ĉar li sciis, ke oni fervore uzos tiun gajan ŝuaĵon Z
ŝuisto
1 iu, kies metio estas fari aŭ ripari ŝuojn: la riĉa ŝuisto en la urbo prenis mezuron por ŝia malgranda piedo Z Sin. ŝufaristo.
2 ŝuvendisto.
balŝuo malpeza ŝuo el delikata ŝtofo uzata de dancanto ĉe balo.
bek1forma ŝuo HIST speco de ŝuo kun longa pinto, laŭmoda en la Mezepoko; la junaj fraŭloj montris sin perfektaj dandoj per siaj kokete plumitaj biretoj, siaj tintantaj bekformaj ŝuoj kaj siaj silkaj vestoj de dividita koloro Z
butonŝuo ŝuo, kiun oni kunligas per butonoj.
glitŝuo speciala ŝuo, kiun oni uzas por almeti glitilon, sketilon aŭ skion.
laborŝuo aparte fortika ŝuo, foje kun ferita plado kaj kalkanumo, kiu protektas kaj ŝirmas dum laboroj ekz. en konstruejo.
laĉoŝuo ŝuo fermebla per laĉo.
lignoŝuo ligna ŝuo tradicie uzata por laboroj en akvoriĉaj kampoj, nun ofte anstataŭita per kaŭĉuka ŝuo.
neĝoŝuo rakedo 2.
polusoŝuoELEK konvene formita ferpeco ĉe ekstremaĵo de elektromagneto de elektra maŝino, servanta por malpliigi la reluktancon de la aerfendo.
relŝuo FERV metala objekto kun formo analoga al ŝuo, metebla sur relon por malakceli aŭ haltigi varvagonon ruliĝantan de ranĝomonteto, aŭ por malhelpi ekruliĝon de senmova vagono: vagonmalakcela instalaĵo defaligas relŝuojn
rulŝuo metala plato provizita per radetoj aŭ ruletoj, kiun oni alligas al ŝuo, kaj kiu ebligas ruliĝi sur glata surfaco.
senŝua ne havanta ŝuojn: la ordeno de la senŝuaj karmelanoj senŝuaj vilaĝanoj iri senŝue kaj nude MT
ŝnurŝuo, ŝnura ŝuo tola ŝuo, kun plando el interplektitaj ŝnuroj.
venus2oŝuo, venus2oŝuetoBOTA cipripedio kaj parencaj genroj kun labelo pantoflosimila.