PIV · 7628
kaŭĉuk¹o
kaŭĉuk1o
1 Elasta gumo, konsistanta el preparita suko de diversaspeciaj plantoj laktosukriĉaj, industrie hodiaŭ nur de heveo; Ⓚ kaŭĉuko estas politerpeno, (C5H8)n, kun n = ĉ. 500−5 000: la kruda kaŭĉuko estas komercata kiel krepa aŭ kiel lamena kaŭĉuko; malmoligita kaŭĉuko (ebonito); sulfurigita kaŭĉuko; sinteza (artefarita) kaŭĉuko. ☞ gumo, gutaperko, plasto.
kaŭĉuka. Elfarita, tute aŭ parte, el kaŭĉuko: kaŭĉuka mantelo, fadeno, stampilo, tubo; kaŭĉukaj ŝtrumpoj, ŝuoj, botoj.
spongokaŭĉuko. Tre supla kaŭĉuko, en kies mason oni penetrigis multajn aerveziketojn.