PIV 2026 · Artikolo 16344
★vagono
Derivaĵoj en la artikolo 21
★ vagono FERV vojgvidata veturilo por transporti pasaĝerojn aŭ kargojn: unuaklasa vagono duaklasa vagono
vagonaro kompleto konsistanta el ĉiuj vagonoj de trajno, ĉu veturanta, ĉu parkumita.
vagoneto malgranda vagono por transporto de materialo en uzino, minejo k.s.
bufedvagono vagono ekipita por ebligi al pasaĝeroj rapidan manĝon. ➞ restoracivagono.
cisternovagono vagono ekipita per granda cisterno por la transporto de likvo, ekz. vino aŭ petrolo.
elvagoniĝi eliri el vagono: niaj vojaĝantoj alvenis en Berlino kaj elvagoniĝis HBu
envagoniĝi eniri en vagonon: ili envagoniĝis por la veturado al Amsterdamo JMe
fridvagono varvagono destinita por la transporto de difektiĝemaj nutraĵoj.
kanguruvagono varvagono destinita por la transporto de duonremorkoj.
kuŝ1vagono pasaĝervagono ekipita per modestaj kuŝlokoj.
litvagono pasaĝervagono ekipita per litoj.
motorvagono vagono provizita per propraj rimedoj veturi: elektra motorvagono dizela motorvagono
motorvagonaro vagonaro enhavanta unu aŭ plurajn motorvagonojn.
municivagono ARME vagono por transporti municiojn.
pakaĵvagono vagono por transporti pakaĵon de pasaĝeroj.
pasaĝervagono vagono por transporti pasaĝerojn.
platvagono vagono sen superstrukturo, por la transportado de grandegaj kestoj, maŝinoj, aŭtoj k.a.
poŝtovagonovagono aranĝita por kaj destinita al ordigo kaj transporto de poŝtaĵoj.
restoracivagono vagono, kiu funkcias kiel restoracio. ➞ bufedvagono.
transvagoniĝi ŝanĝi sian vagonon por alia.
var2vagono vagono por transporti varojn kaj aliajn kargojn.