PIV 2026 · Artikolo 9047
★lako
★ lako
1 guma rezino brune ruĝa, kiun oni rikoltas entranĉante la ŝelon de kelkaj specoj de orient-aziaj arboj (anakardiaco), ekz. uruŝio.
2 lako 1 uzata kiel ligilo de pigmento 2 prezentanta tre fortan brilon kaj malmolecon, kaj uzata de ĉinoj, japanoj k.a. en arta meblofarado.
3 ruĝe bruna vakso sekreciata de la epidermaj glandoj de lakokoĉo, kaj uzata i.a. kiel kolorilo kaj kosmetikaĵo. ➞ ŝelako.
4 nesolvebla komponaĵo el kolora organika substanco kaj metalaj saloj (mordantoj), uzata kvazaŭ pigmento 2, ekz. karmino.
5 imitaĵo de lako 2, konsistanta el rezino (kopalo, kolofono 1 k.s.) solvita en verniso. ➞ emajlo, glazuro.
laki tr
1 kovri kaj surpentri ion per lako:oni retrovis en Koreujo lakitajn objektojn el la Han-epoko
2 kovri ion per tre brila kaj malmola farbotavolo: lakitaj ŝuoj belegan lakitan ŝelon de juglando ŝi ricevis kiel lulilon Z
lakado ago laki: ungolako ne lezos la okulojn, se dum la lakado la ungoj situos je 2-3 metroj de la okuloj OE
lakaĵo meblo lakita: la lakaĵoj de Koromandel estas la plej famaj
ŝpruclakado kovrado de surfaco per ia lako 2, helpe de aerprema pistolo 2: ŝpruclakado de aŭtomobila karoserio
ungolako speco de verniso por la ungoj.