PIV 2026 · Artikolo 9367

★ligno

Litero L★ Fundamenta

Derivaĵoj en la artikolo 30
  1. ligna
  2. lignaĵ/o
  3. lignaĵ/ist/o
  4. lignec/a
  5. lignej/o
  6. ligner/o
  7. lignet/o
  8. lignist/o
  9. brazilligno
  10. bruloligno
  11. ĉarpent/oligno
  12. konstruligno
  13. segligno
  14. ĉerizligno
  15. du/onlignec/a
  16. ferligno
  17. flosligno
  18. front/oligno
  19. ĵetligno
  20. kern/oligno
  21. kver2ligno
  22. traligno
  23. laŭligno
  24. rebligno
  25. santalligno
  26. blank/a santalligno
  27. sapanligno
  28. sukligno
  29. ŝtonligno
  30. tavolligno
★ ligno
1 BOTA la malmola fibra substanco, el kiu konsistas la plejparto de la radikoj, trunko kaj branĉoj sub la ŝelo de arboj kaj arbustoj kaj parto de aliaj vaskulplantoj: ligno rolas en la teniĝo de la planto kaj almenaŭ junstadie kondukas la alsupran sevon ligno estas bona brula materialo FE flamiĝema kiel ligno rezina Z ne el ĉiu ligno oni faras violonon Z trafis hakilo al ligno malmola Z faru al vi arkeon el ligno gofera MT kvadratigita ligno senŝeligita ligno freŝa ligno sekiĝinta ligno ➞ alburno 1, ksilemo, karbo, lignino, lignito.
2 peco el ligno 1 uzata por homaj bezonoj: prenu al vi lignon, kaj skribu sur ĝi MT mi penis skulpti ĝin vizaĝon en ligno Z kurba estas la ligno, sed rekte ĝi brulas Z fendita ligno facile ekbrulas Z ➞ lignotegi.
3 provizo el lignoj: lignon por hejtado vi trovos malantaŭ la forno Z jen estas la fajro kaj la ligno, sed kie estas la ŝafo por la brulofero? MT ŝiprompaĵa ligno Z
ligna
1 rilata al ligno: la ligna strukturo
2 farita el ligno: ligna skatolo B ligna bildo Z ligna kruco Z malgranda ligna dometo Z
lignaĵo objekto prilaborita el ligno.
lignaĵisto metiisto, kiu elfaras lignaĵojn: la lignaĵisto faras tablojn, seĝojn kaj aliajn lignajn objektojn FE ➞ ĉarpentisto, meblisto.
ligneca havanta unu aŭ kelkajn el la ecoj de ligno: BOTA ligneca planto kun tigo malmola pro abunda ligno: arbo, arbusto aŭ arbusteto
lignejo loko, kie oni staplas vendotan lignon, precipe por konstruado.
lignero malgranda peceto el ligno: hakado de ligno donas lignerojn Z (figurasence) en fremda okulo ni vidas ligneron, en nia ni trabon ne vidas Z
ligneto malgranda peco de hakita aŭ rompita ligno: de la ŝipo ne restis eĉ unu ligneto Z ŝi prenis faskon da lignetoj kaj ekbruligis gajan fajron Z
lignisto komercisto pri ligno: la lignisto vendas lignon FE ➞ lignaĵisto.
brazilligno ligno de brazilarbo, uzata por fari arĉojn.
brulolignoligno por bruligado: sur la fajrejo oni amasigis sekan brullignon Z brullignon ili ne havis Z fasko da brulligno Z
ĉarpentoligno, konstruligno, segligno ligno segita por konstrua uzado.
ĉerizligno ligno de ĉerizarbo, uzata por fari meblojn, plankoj, muzikilojn, ktp.
duonligneca BOTA planto transiĝa inter herbo kaj arbusteto, ekz. vinko aŭ duonligneca kapsiko.
ferligno ege malmola ligno de iuj specioj de arboj, ekz. kopaifero.
flosligno ligno devenanta el flosigitaj dehakitaj arboj.
frontoligno lignopeco rigardata fibro-fine.➞ kverligno, laŭligno.
ĵetligno lignopeco, ofte kun akra pinto, ĵete uzata kiel armilo (por ĉaso aŭ batalo). ➞ bumerango.
kernoligno la interna plej malmola parto de la ligno de arbotrunko.
kver2ligno, traligno lignopeco rigardata orte al la fibroj. ➞ frontoligno, laŭligno.
laŭligno lignopeco rigardata paralele al la fibroj. ➞ frontoligno, kverligno.
rebligno ligno el sarmento 1 aŭ trunko de vito 1.
santalligno ligno de santalo.
blanka santalligno malmola neputrema ligno de blanka santalo, utiligata por luksaj varoj, ekz. skulptaĵoj, kaj por ekstrakti esencon uzatan farmacie kaj por parfumoj.
sapanligno ligno de sapano, uzata por fari tinkturon kaj medicinon.
sukligno = (prefere) alburno 1.
ŝtonligno TEKN speco de speciale preparita lignotabulo, en kiun oni amase enpremis sablon (el granito, kvarco k.s.), por fari fortikan akrigilon.
tavolligno TEKN krucplakaĵo.