PIV 2026 · Artikolo 10372
★militi
Derivaĵoj en la artikolo 22
★ militi ntr batali per armiloj kontraŭ fremdlandaj armeoj aŭ kontraŭ samnacia malamika partio: la Ĥaldeoj revenos kaj militos kontraŭ ĉi tiu urbo MT al la mond’ eterne militanta Z (figurasence) du militas — tria profitas Z ➞ batali.
milita koncernanta la militon: milita parado KHi militaj preparadoj kanto, kiu gloris iliajn grandajn militajn agojn Z
milite
1 en aŭ per milito: li iris milite kontraŭ ĉiujn siajn najbarojn Z milite pligrandigi sian teritorion
2 en militista maniero: li milite salutas Z
milito
1 tiu perforta kaj detrua formo, kiun alprenas politiko por solvi la konfliktojn inter klasoj, nacioj aŭ regnoj: aranĝi militon kontraŭ iu MT proklami militon deklari militon fari militon gajni militon perdi militon enlanda milito eksterlanda milito defenda milito agresa milito interfrata milito intercivitana milito ➞ interna milito religia milito eksplodas milito ekflamas milito unu soldato militon ne faras Z oni ne plu lernos militon MT ni iros en la landon Egiptan, kie ni ne vidos militon MT la reĝo, kiu kaŭzis la militon Z ➞ paco, militodamaĝo, militkrimo, militmaŝino.
2 (vastasence, figurasence) ĉiu formo de grava konflikto kun aŭ sen uzo de armiloj: malvarma milito per nearmilaj rimedoj psikologia milito per propagandaj rimedoj
elektronika milito ARME milito, en kiu elektronikaj rimedoj de detekto kaj kontraŭdetekto estas tre uzataj.
intercivitana milito interna milito.
interna milito milito inter samlandanoj aŭ sampartianoj. Sin. intercivitana milito.
Troja Milito MITO legenda milito inter la grekoj kaj Trojo ĉirkaŭ la 12-a aŭ 13-a jc a.K.E.
militado farado de milito(j): konvencia militado estas kondukata per konvenciaj armiloj kaj batalkampaj taktikoj LMa pro la senfina militado iuj rifuĝis eksterlanden RE!
militaĵo (evitinde) = militago: ĉu s-ro Schad bone konas la militaĵojn de tiu regimento? JDo
militema inklina al milito: militema popolo estas kancero de la mondo
militestro iu, kiu plej supere komandas (ofte POEZ): la grandaj militestroj Aleksandro, Hanibalo kaj Cezaro
militilo io, per kio oni povas militi (glavo, pafilo, kanono 1, grenado 1, bombo, misilo k.a.): dum la unua Packonferenco oni provis malpermesi la uzadon de gaso kiel militilo HEr mankis al ili ekvivalentaj ŝipoj, militiloj kaj multaj aliaj aferoj UsH
militismo militarismo.
militisto profesia armeano: oni devas mortigi ĉi tiun homon, ĉar li senfortigas la manojn de la militistoj MT
militistaro armeo: la frakasitaj aviadiloj apartenas al la diktatoreca militistaro ENa la militistaro de la reĝo de Babel MT
almiliti tr konkeri: teŭtonaj kavaliroj tiun landon almilitis EPr (figurasence) popolo, kiu tute almilitis al si niajn korojn VLa
krucmilito HIST
1 milita ekspedicio de kristanaj regnoj (11–13aj jc), origine kontraŭ islamanoj por konkeri Jerusalemon, kaj poste ankaŭ por aliaj celoj: en la 11a jarcento famiĝis Petro la Ermito, la predikanto de la Unua Krucmilito, kiun li poste mem partoprenis kaj Bernardo, la granda predikanto, kiu alvokadis al la Dua Krucmilito ILa
2 (figurasence) organizita batalado por ia kvazaŭ sankta celo: Usono jam faris «krucmiliton» kontraŭ la komunismo MD
krucmilitisto batalanto en krucmilito.
kunmiliti partopreni en la sama milito: unuafoje britaj trupoj ne kunmilitos kun siaj usonaj aliancanoj PGu
mondmilito moderna milito, kiu disvastiĝas tra la tuta mondo: la Unua Mondmilito 1914–1918 la Dua Mondmilito 1939–1945
movmilito milita strategio, en kiu armeo rapide manovras por ekhavi avantaĝon.