PIV 2026 · Artikolo 10455

mistika

Litero M

Derivaĵoj en la artikolo 5
  1. mistiko
  2. mistikaĵ/o
  3. mistikem/o
  4. mistikism/o
  5. mistikul/o
mistika
1 havanta kaŝitan signifon alegorian: la mistika senco de la Biblio iaj ŝtonoj kaj arboj havas por la primitivuloj ian mistikan econ
2 rilata al mistikismo: la mistika edziniĝo de Sankta Katerino la mistika unuiĝo kun Dio mistikaj aŭtoroj mistikaj libroj (figurasence) li sentis mistikan amon al la naturo
mistiko
1 tuto de la mistikaj manifestiĝoj.➞ mistero.
2 KOMU popolamasa fido, kiu formiĝas ĉirkaŭ iu ideo kaj estigas por ĝi ian afekcian pasian alligitecon: la mistiko de la Revolucio la mistiko de la paco la mistiko de la «interna ideo» ➞ mito.
mistikaĵo iu konkreta manifestiĝo de mistiko.
mistikemo emo kredi je misteraj, malklaraj kaj nepruveblaj kaŭzoj kaj efikoj: romantika mistikemo
mistikismo religia aŭ filozofia doktrino kaj metodo, kontraŭa al raciismo, kaj celanta ekkoni per sento kaj imago (sed ne per intelekto) la veron kaj precipe la diajn kaj postmortajn misterojn: la ekstazo, t.e. la unuiĝo kun la dieco, estas la celo de la mistikismo
mistikulo persono dediĉita al la mistika vivo: la islamaj mistikuloj en Persujo la katolika eklezio ĉiam malfidis la mistikulojn