PIV 2026 · Artikolo 10482
mobilizi
Derivaĵoj en la artikolo 4
mobilizi tr
1 kunvoki kaj militpretigi iun aŭ ion: mobilizi unu divizion mobilizi la kovrantajn trupojn mobilizi la rezervojn mobilizi la tutan industrion mobilizi la policon mobilizito
2 (figurasence) peti helpon kaj batalpretigon de iu aŭ io: mobilizi la publikan opinion la partio mobilizis ĉiujn siajn fortojn
3 BIOL fari rezervan substancon havebla por utiligo, modifo aŭ transporto al alia parto de la organismo: la hepata glikogeno estas laŭbezone mobilizata
mobilizo, mobilizado
1 tuto de la aranĝoj necesaj por pretigi por milito la homajn kaj industriajn fortojn de iu lando.
3 BIOL la fiziologia ago, per kiu io estas mobilizata.
mobiliziĝi iĝi mobilizita; mobilizi sin: eŭropaj esperantistoj mobiliziĝis grandskale por trovi subtenantojn de la propono RCo (figurasence) en li la psikaj fortoj mobiliziĝis por rekonkeri taŭgan ekvilibron CPi
malmobilizi pasigi kunvokitojn de la milita stato al la civila.