PIV · 10530
momant/o
momant/o ☐
1 Vektora produto de io per levilbrako: momanto de forto (tordomomanto); momanto de movokvanto; dupolusa momanto (la sumo de la produto el elektra ŝargo k pozicio por aro de ŝargitaj partikloj).
2 Produto de polusa intenso per distanco aŭ per produtoj de distancoj inter la polusoj: magneta, dupolusa, kvarpolusa momanto.
3 Produto de io per funkcio de distanco: inercimomanto (produto de maso per la kvadrato de ĝia distanco for de akso).
spinmomanto
1 Momanto de movokvanto interna de elementa partiklo.
2 Magneta momanto de elementa partiklo, proporcia al la spina momanto de movokvanto.
tordomomanto ☐ Vektora produto de tordanta forto per la distanca vektoro de la referencpunkto al la agopunkto de la forto.