PIV 2026 · Artikolo 10626
★morgaŭ
Derivaĵoj en la artikolo 3
★ morgaŭ
1 en la tago tuj venonta post la hodiaŭa: hodiaŭ estas sabato, kaj morgaŭ estos dimanĉo FE morgaŭ mi veturos Parizon FE ne prokrastu ĝis morgaŭ, kion vi povas fari hodiaŭ Z li alvenos morgaŭ post semajno post ok tagoj
2 (figurasence) en proksima estonteco: hodiaŭ forto, morgaŭ morto Z nenia popolo povas scii, kio fariĝos kun ĝi morgaŭ Z
3 morgaŭo: ĉiu morgaŭ havas sian zorgon Z morgaŭ estas la amata tago de mallaboruloj Z ŝi deziris ekposedi almenaŭ unu jaron, dume jam la morgaŭ ne apartenis al ŝi Z
morgaŭa okazonta morgaŭ aŭ rilata al tiu tago: mi venis ĉi tien nur por vidi la morgaŭan feston Z mi lin vizitos la morgaŭan tagon klarigo sur la morgaŭa gazetaro CPi
morgaŭo
1 la tago tuj post la hodiaŭo: la morgaŭon aperis en ĉiuj gazetoj jena stranga anonco CPi
2 (figurasence) proksima estonteco: ĉiu morgaŭo povis alporti al ili pereon LiZ li ne povas certi eĉ pri sia propra morgaŭo SPo pri morgaŭo oni ripetas hieraŭajn antaŭjuĝojn OE
3 la tago tuj post la indikita tago: la morgaŭon de lia alveno mi foriros
postmorgaŭ en la tago post la morgaŭ (du tagojn post hodiaŭ): venu postmorgaŭ matene Z se tiu ĉi formo montriĝos erara, ni morgaŭ ĝin ŝanĝos, kaj en okazo de bezono ni ĝin postmorgaŭ ankoraŭ unu fojon ŝanĝos Z