PIV 2026 · Artikolo 10721

★murmuri

Litero M★ Fundamenta

Derivaĵoj en la artikolo 7
  1. murmuro
  2. murmurad/o
  3. murmureg/i
  4. murmureg/o
  5. murmuret/i
  6. murmuret/o
  7. enmurmuri
★ murmuri tr
1 io aŭdigi mallaŭtan obtuzan sonon: venteto, kiu murmuros en la branĉoj Z akvo bolas, murmuras, sed fine ĝi kuras Z ➞ susuri, zumi.
2 iu diri ion mallaŭte kaj obtuze: murmuri preĝon Z ĝi murmuris al ŝi en la orelon vortojn Z ➞ subvoĉa.
3 aŭdigi obtuzan kaj malklaran sonon kiel signon de malkontenteco: la filino iris, sed ĉiam murmurante FE murmuri tra la dentoj Z la tuta komunumo ekmurmuris kontraŭ la estroj MT ➞ grumbli, grunti.
murmuro
1 obtuza bruo: la misteraj murmuroj de la granda urbo Z eksonis la murmuro de la paŝoj de la infanterio B
2 surda bruo montranta malkontentecon: murmuro mordetanta Z sur la ventro veluro, en la ventro murmuro pro malsato Z
murmurado esprimo de malkontenteco per krioj, insultoj ktp: mi ne aŭdis pli plu la murmuradon
De la popol’ Z
ne kontraŭ ni estas via murmurado, sed kontraŭ la Eternulo MT
murmuregi laŭte murmuri: sur la tegmento sidis vivanta blanka urso kaj murmuregis Z murmuregas la urso, sed danci ĝi devas Z la edzo obeis murmuregante HLu ➞ graŭli, grumbli.
murmurego laŭta murmuro: la murmurego de la intermiksitaj paroloj surdigis ŝin Z
murmureti
1 eligi mallaŭtan delikatan sonon: la folioj, skuataj de delikata vento, murmuretas B murmuretanta rivero Z li murmuretis malbenon pro senpova kolerego HLu ➞ lirli.
2 paroli aŭ diri tre mallaŭte: murmureti al ies orelo B la domo,
En kiu la malĝojo tiel ofte
murmuretas mian nomon Z
➞ flustri 1.
murmureto sono de io aŭ iu, kiu murmuretas:mi aŭdas murmureton en la branĉoj Z
enmurmuri enmiksi kiel murmuron: tenorulo levis sian voĉon dum la basulo por kontrasto enmurmuris la profundajn, mallumajn tonojn Z kiu enmurmuris al mi tion ĉi en la orelon? Z