PIV 2026 · Artikolo 11044
★nokto
Derivaĵoj en la artikolo 14
★ nokto
1 tempo, dum kiu la suno estas sub la horizonto kaj ne prilumas: ŝi leviĝas, kiam estas ankoraŭ nokto MT kiam nokto vualas, ĉiuj koloroj egalas Z stelplena nokto ili laboradis ĝis profunda nokto Zla koko krias tra la tuta nokto Z mi veturis du tagojn kaj unu nokton FE ➞ tago, diurno, noktomezo.
2 nokto 1 destinita por ripozi, agi k.a.: bonan nokton! Z li travivis noktojn da mizero kaj angoro pereu la nokto, kiu diris: Embriiĝis homo MT
3 (figurasence) nokto 1 rigardata kiel simbolo de materia, spirita aŭ anima mallumo: blindeco estas senfina nokto la nokto de la peko la nokto de la tombo la nokto de la morto Z
nokta rilata al nokto: la nokta silento post nokta ripozo helpas la muzo Z noktaj bestoj la nokta Parizo
nokte dum nokto: nokte eĉ monstro estas belulo Z
nokti ntr
1 (arĥaismo) = tranokti, noktumi: la aglo noktas sur dento de roko MT kie vi noktos, mi ankaŭ noktos MT ĉiu kun sia knabo noktu en Jerusalem MT
2 esti nokto: noktas, sed ili surhavas sunokulvitrojn MD
noktiĝi komenci esti mallume pro alvenanta nokto. ➞ krepuskiĝi.
noktulo
1 personoj, kiu vizitadas la noktoklubojn, kabaretojn ktp.
2 birdo nokte ĉasanta.
noktumi ntr tranokti: la kuranto noktumis en tendoj apud la vojoj aŭ en iu tranoktejo LSt
Bartolomea Nokto HIST amasbuĉado de Protestantoj en Parizo la 24an de Aŭgusto 1572, la tagon de Sankta Bartolomeo.
ĉiunokta okazanta ĉiun nokton: ĉiunokta prezentado de filmo
dumnokta okazanta dum la nokto: dumnokta irado
meznokto(arĥaismo) = noktomezo.
tagonoktodaŭro de 24 horoj. Sin. diurno.
tranokti ntr pasigi la nokton ie aŭ iel: ili tranoktis en la tendaro MT Sin. nokti, noktumi.
tranoktejo loko, kie vojaĝantoj povas pasigi la nokton.