PIV 2026 · Artikolo 8634

★krepusko

Litero K★ Fundamenta

Derivaĵoj en la artikolo 6
  1. krepuska
  2. krepuski
  3. krepuskiĝ/i
  4. elkrepuskiĝ/i
  5. matenkrepusko
  6. vesperkrepusko
★ krepusko
1 nehela lumo, kiun estigas sunaj radioj resenditaj de la tera atmosfero post subiro de la suno kaj antaŭ ĝia leviĝo: mara krepusko komenciĝas aŭ finiĝas, kiam la suno estas je 12° sub la horizonto, kaj astronomia krepusko je 18°
2 (figurasence) ekmalfortiĝo, ekkadukiĝo aŭ ekfiniĝo: mia cerbo naĝas kvazaŭ en krepusko la Krepusko de la Dioj opero de Vagnero ➞ agonio, dekadenco.
krepuska
1 karakterizata de krepusko: krepuska lumo krepuskaj papilioj
2 (figurasence) malluma, malvigla aŭ malgaja: la krepuska periodo de la vivo B
krepuski ntr nehele lumi: komencis krepuski Z
krepuskiĝi
1 iĝi krepuske; noktiĝi aŭ tagiĝi: krepuskiĝis kaj sur la ĉielo ekbrilis la unuaj steloj LiZ baldaŭ krepuskiĝos la mateno LiZ
2 (figurasence) malklariĝi: la penso en li krepuskiĝas ➞ kadukiĝi, kliniĝi.
elkrepuskiĝi
2 (figurasence) klariĝi aŭ naskiĝi: grandaj ideoj elkrepuskiĝas en mia animo Z
matenkrepusko matena krepusko: la silenton de la matenkrepusko rompis nur la malproksima paŝado de la gardosoldatoj SPo
vesperkrepusko vespera krepusko: du-tri mallumaj horoj, similaj al la sudeŭropa komenco de la vesperkrepusko, kiam ankoraŭ steloj ne estas videblaj FSz Sin. vesperruĝo.