PIV 2026 · Artikolo 8635
kreso
Derivaĵoj en la artikolo 5
kreso BOTA herbo havanta milde akragustajn foliojn uzatajn por salato kaj garnaĵo. pluraj specioj de brasikacoj ➞ lepidio, kardamino, nasturtio.
kresejo loko, kie kreskas kreso.
akvokreso speco de nasturtio el Eŭropo kaj okcidenta Azio, akveja, plurjara, kun plume dividaj akragustaj folioj kaj kun blankaj floroj en maldensaj grapoloj; kultivata kiel legomo en ne-mediteranea Eŭropo. specio Nasturtium officinale Sin. oficina nasturtio.
ĝardenkreso speco de lepidio el Egiptujo kaj okcidenta Azio, kvazaŭhejma en Eŭropo, unujara; kultivata en Eŭropo por folioj aŭ plantidoj uzataj en salatoj. specio Lepidium sativum Sin. kultiva lepidio.
herbejkreso plurjara kreso, nordhemisfera, uzata por salatoj kaj medicino. specio Cardamine pratensis Sin. herbeja kardamino.
vintrokreso ordinara barbareo aŭ printempa barbareo, kultivata por salatoj kaj pasintece por oleoriĉaj semoj.