PIV 2026 · Artikolo 11214
ofrio
Derivaĵoj en la artikolo 6
ofrio BOTA plurjara herbo kun du subteraj tuberoj kaj kun floroj aspektantaj kiel insektoj; el Eŭropo, norda Afriko kaj okcidenta Azio. genro Ophrys ➞ orkidaco.
abela ofrio ofrio kun longaj, foliaj tigoj (pedunkloj) kaj folioj longetaj aŭ ovo-lancoformaj; kun grapolo longeta, loza, kun 3–10 floroj, rozkoloraj aŭ blankaj; indiĝena de Portugalujo, Irlando kaj Danlando ĝis Irano kaj Kaŭkazio. specio Ophrys apifera
aranea ofrio (arĥaismo) = vespa ofrio.
burda ofrio ofrio kun floroj kun harkovritaj lipoj; indiĝena en Portugalo, Kanarioj ĝis Turkujo kaj Libano. specio Ophrys bombyliflora
insekta ofrio ofrio kun mallarĝaj rektaj folioj; la spiko portas ĝis dek florojn kun verde flavaj sepaloj, malgrandaj brunaj aŭ nigraj petaloj kiuj aspektas kiel la antenoj de insekto, kun longa, loba lipo malhele grenata ĝis nigra, kun du glaceaj kavoj nomitaj «falsaj okuloj» kaj iriza, blua aŭ griza makulo evoluinta por simili la flugilojn de insekto; indiĝena en norda Eŭropo ĝis Grekujo kaj Hispanujo. specio Ophrys insectifera
muŝa ofrio insekta ofrio.
vespa ofrio ofrio simila al la insekta ofrio, sed la malfruaj floroj havas flavan punkton meze de la ekstremaĵo de la lipo; troviĝas en Britujo ĝis Irano. specio Ophrys sphegodes