PIV 2026 · Artikolo 11582

★pako

Litero P★ Fundamenta

Derivaĵoj en la artikolo 17
  1. paki
  2. pakad/o
  3. pakaĵ/o
  4. paket/o
  5. pakiĝ/i
  6. pakiĝ/o
  7. pakil/o
  8. pakist/o
  9. pakum/a
  10. pakum/o
  11. elpaki
  12. enpaki
  13. kunpaki
  14. malpaki
  15. nepakit/e
  16. senpake
  17. ond/opaket/o
★ pako aro de objektoj kunligitaj aŭ kunaranĝitaj por esti protektataj aŭ pli facile transporteblaj: pli kostas la sako, ol la tuta pako ➞ kandelo 1 Ⓔ Z ŝipanaro okupita je elŝarĝado de kestoj, pakoj kaj bareloj Z
paki tr
1 kunaranĝi objektojn plej malvaste, ilin ligante per ŝnuro, aŭ envolvante en paperon aŭ ŝtofon, aŭ enŝovante en sakon, aŭ enpremante en kofron aŭ valizon, aŭ ordigante en keston: li pakis sian malgrandan havaĵon Z li pakis ĉiujn miajn pupojn en la lignan keston Z rapide ĉion paku! Z la foiraj komercaĵoj devis esti pakataj Z la homoj en tiu komplikita amaso da stratoj estis pakitaj unuj super la aliaj Z jam prete pakitaj estas ĉiuj sakoj Z (figurasence) li estis pakita kun ok aliaj personoj en la interno de poŝta kaleŝo Z
2 KOMP kunmeti dosierojn per pakilo.
Sin. enpaki.
pakado ago paki.
pakaĵo
1 tuto de la pakoj, kiujn oni portas kun si ĉe vojaĝo, aŭ kiujn oni ekspedas per publika transportilo:kiam mi ien veturas, mi neniam prenas kun mi multon da pakaĵo FE ili havis ĉe si vojaĝan pakaĵon Z (proprasence kaj figurasence) forportu vian pakaĵon kaj havaĵon definitive foriru Z
2 paketo.
paketo malgranda pako, ofte kun difinita regula formo: poŝtaj paketoj Z la cenzuro retenis la tutan paketon Z mi dissigelis la paketon Z paketo de cigaredoj paketo da tabako paketo da bombonoj la enhavo de paketo ➞ korneto, skatolo 1.
pakiĝi iĝi dense premita (kvazaŭ) en pako: ni pakiĝis en la vagonaro la karbograjnetoj de la mikrofono finfine pakiĝis
pakiĝo ago pakiĝi, aŭ la rezulto de tiu ago: atomoj en plej densa pakiĝo
pakilo KOMP komputila programo por kunmeti plurajn dosierojn en unu dosieron, ofte densigante ilin samtempe. ➞ densigilo.
pakisto laboristo, kiu metie zorgas pri pakado de rompeblaj objektoj.
pakuma rilata al pakumo: pakuma materialo pakuma tolo pakuma gudropapero
pakumo kovraĵo de pako: nun pakumoj de tre multaj varoj komplikiĝas MuB
elpaki malfari pakon por tiri el ĝi la enhavon: la botelo estis elpakita Z mi elpakis la donaceton SŠt mi helpis al li elpaki skatolojn CRo Sin. malpaki.
enpaki paki: la filino de la peltisto mem ĉion enpakis Z
kunpaki kunigi diversajn erojn en pakon: kunpakitaj estas la malbonagoj de Efraim MT dum apenaŭ iom pli ol tri tagoj la organizantoj sukcesis kunpaki dek kvin prelegojn, sep spektaklojn, kelkajn atelierojn CNo
malpaki elpaki: mi trairis al la malantaŭa ĉambreto, kaj malpakis mian korbon ALö li malpakas sian ilaron CRo
nepakite, senpake varo tia, ke neniu pakumo ĝin entenas: vendi rizon senpake ➞ loza.
ondopaketo FIZI kombinaĵo de ebenaj ondoj, kiu estas pli-malpli lokumita en la spaco.