★kandel/o

1 Lumigilo, konsistanta el cilindra seba, stearina aŭ vaksa maso, ĉirkaŭanta meĉon: vakskandelo ^Z; seba kandelo ^Z; gardu kandelon por la nokto ^Z (ŝparu, ĉar eble vi bezonos pli poste); de malgranda kandelo forbrulis granda kastelo ^Z (malgranda kaŭzo, granda efiko); (f) perdi la kandelon (la saĝon) el la kapo ^Z.

2 ✞ Tia lumigilo el vakso, uzata en la liturgio: Kristnaskaj kandeloj ^Z; en la preĝejo ĉiu tenis brulantan kandelon en sia mano ^Z; al ĉiu sanktulo apartan kandelon ^Z (respektu ĉiun eminentulon); faras rabon k ŝtelon, por oferi al Dio kandelon ^Z (estas nur ŝajne k ekstere pia).

3 ☐ Baza unuo de lumintenso en la internacia sistemo de mezurunuoj (SI); simb.: cd; difino: unu kandelo estas la lumintenso de inkandeska nigra korpo je frekvenco de 540 × 10¹² hercoj k radia intenso de 1/683 vato steradiane: lampo de 100 kandeloj; po unu kandelo por kvadrata centimetro. ☞ lukso, lumeno.