PIV 2026 · Artikolo 6641
intensa
Derivaĵoj en la artikolo 14
intensa
1 tia, ke ĝia efiko estas tre vive sentata: intensa malvarmo intensa febro intensa sono intensa frosto intensa lumo intensa koloro ➞ aktiva, forta, vigla, viva.
2 kondukata kun grandaj rimedoj kaj streĉitaj fortoj: intensa laboro intensa terkulturado intensa maŝinismo Sin. intensiva.
intenso FIZI grado de efiko aŭ de karakteriza grando.
lumiga intenso FIZI la intenso de la radiado de lumfonto en certa direkto. ➞ lumintenso, lukso 1.
magnetada intenso FIZI magnetado 2.
intenseco alta grado de efiko; aktiveco: eviti la intensecon de lumo la intenseco de la trafiko en la grandaj urboj la intenseco de la febro malkreskis
intensigi pliigi la aktivecon aŭ plifortigi la efikon de io: estas necese intensigi la laboron, por fini la konstruon en la difinita limtempo intensigi la lumon, la elektran fluon, la propagandon, la protestojn ➞ akceli, insisti.
intensiĝo stato de io, kio fariĝas intensa: intensiĝo de la febro subita intensiĝo de la sonvolumeno
kampintenso FIZI vektora grando, per kiu estas prezentata la kampo (elektra, magneta ktp).
elektr1a kampintenso FIZI fizika grando egala al la kvociento de forto, kiu efikas al elektrokvanto, per ĉi tiu kvanto, kaj havanta la saman direkton kiel tiu forto. simbolo: E
magneta kampintenso FIZI vektora grando egala (en vakuo) al la kvociento de magneta fluksodenso per la induktokonstanto. simbolo: H
kurentintenso FIZI fizika grando egala al la kvociento de elementa elektrokvanto trafluanta determinitan sekcion de konduktilo, per la infinite mallonga tempo tiurilata. simbolo: I ➞ ampero 1.
legintenso la mezuma kvanto de legantoj de unu ekzemplero de periodaĵo: la legintenso de Monato estas 2,3 2300 homoj legas numeron presitan en 1000 ekzempleroj
lumintenso FIZI intenso de lumo (sen precizigo kiel mezuri ĝin). ➞ lumiga intenso.
neintensa
1 prezentanta malfortan efikon.
2 kondukata sen grandaj rimedoj kaj fortostreĉoj: en la neindustriaj landoj, la terkulturo estas ankoraŭ neintensa
pliintensigi igi ion pli intensa: senpacience mi ĝojatendis lin, kaj ĉiu lia alveno pliintensigis mian korbatadon VVi per la reto eblus pliintensigi la funkciadon de la komitato dum la tuta jaro RE!