PIV 2026 · Artikolo 2974
★densa
Derivaĵoj en la artikolo 23
★ densa
1 prezentanta la karakterizan aspekton de substanco, kies eroj, tre proksimaj unuj al aliaj, estas multnombre entenataj en malgranda volumeno: densa arbaro FE densa barbo densa mallumo Z densa nebulo Z densa pluvo densa trupo densa drapo ŝi envolvis sin en siajn densajn longajn harojn Z densa ondo da mucida, malseka aero frapis la vizaĝojn Z ➞ denskorpa, kompakta, palpebla, peza, nepenetrebla.
2 KEMI koncentrita: densa solvaĵo
3 FOTO maldiafana: densa kliŝo
4 MATE subaro de topologia spaco havanta fermaĵon egalan al la tuta spaco.
dense
1 en densa maniero: dense loĝata lando vesto dense brodita per oro grizeco dense arĝentigis liajn harojn
2 treege proksime unu de alia: la kadavroj kuŝis dense unu ĉe alia B starigataj en vicoj, tiel dense, ke ili ne povis movi la brakojn Z tiel dense, kiel rafanetoj en fasko Z ŝi metis la kotonon pli dense ĉirkaŭ la hirundon Z
denso
1 konkreta manifestiĝo de denseco: en la denso de la batalo
2 FIZI rilato de iu fizika grando (la maso, se sen specifa indiko) de iu afero al ĝia volumeno: la denso de solido, likvo aŭ gaso estas la rilato de ilia maso al ilia volumeno
densaĵo
1 io densa.
2 densa vepro, arbustaĵo k.s.
3 FOTO parto pli densa en bildo.
4 FARM kunpremita medikamento: densaĵo el aspirino ➞ lozanĝo.
denseco eco de io densa: la denseco de arbaro la denseco de hararo la denseco de ŝtofo
densejo
1 loko de io densa: FIZI en gaso, ĉe la krita punkto, troviĝas lokaj densejoj
2 loko en arbaro, kie la plantoj estas aparte densaj: la dornoplenaj lianoj prezentas netrapenetreblan densejon Z apro leviĝas el sia densejo ➞ ĝangalo.
densiga kapabla densigi: densiga bano
densigi
1 fari ion densa: densigu la vicojn! densigi gason per kunpremado densigi fotografan bildon densigita lakto ➞ kompaktigi, kondensi, koncentri 2, fortigi, ligi.
2 KOMP kodi datumojn aŭ dosieron, por ke ili estu malpli longaj: senperde densigi tiel, ke malkodado redonos la originalon precize perde densigi tiel, ke malkodado redonos ion nur similan al la originalo, ĉar iaj informoj perdiĝas ➞ paki.
densigilo
1 FOTO procedo aŭ substanco, uzata por densigi 1.
2 KOMP komputila programo por densigi 2.
densiĝi iĝi densa: mallum’ densiĝis G ĉiam pli densiĝante, la nuboj solviĝis per fulmotondro Z
fluksodensoFIZI ĉiu el aro de diversaj fizikaj grandoj, precipe elektra fluksodenso kaj magneta fluksodenso.
elektr1a fluksodensoFIZI elektra indukdenso.
magneta fluksodensoFIZI vektora grando tia, ke la forto aganta sur pecon de konduktilo trafluata de elektra kurento egalas al la vektora produto de la kurentodenso en la konduktilo per la magneta fluksodenso. simbolo: B; difino: B = μ μ0H ➞ gaŭso 1, teslo 1.
heldenso denso de lumfonto, prilumata surfaco ktp, difinita kiel kvanto de luma energio, kiu trafas certan surfacon.
indukdenso FIZI
elektr1a indukdenso FIZI vektora grando egala al la produto de la elektra kampintenso kaj elektra permitivo. simbolo: D; difino: D = ε ε0E Sin. elektra fluksodenso.
magneta indukdenso = (prefere) magneta fluksodenso.
kurentodenso FIZI kvociento de la kurentintenso, kiu fluas tra elemento de surfaco, per ĝia kversekca areo.
linidenseco MUZI fizika rilato inter la maso kaj la longo de muzika kordo: oni pliigas la linidensecon de baskordo, survolvante kupran draton
maldensa
1 prezentanta aspekton de substanco, kies eroj estas malproksimaj unu de alia: maldensa hararo maldensa bosko la sablo travidiĝas tra la maldensaj spikoj de sekalo Z estis malfacile spiri en tiel maldensa aero ➞ loza, mankohava, pora, rara; ideala gaso.
2 FOTO diafana: maldensa kliŝo
maldensejo loko en arbaro, kie la plantoj estas maldensaj.
maldensigi
2 FOTO malpliigi la densecon de fotografa fototipo.
1 Pri solvitaj substancoj, oni prefere uzu dilui: oni maldensigas gason per dilato; oni diluas solvaĵon per aldono de solvanto
maldensiĝi iĝi maldensa: liaj haroj maldensiĝas la droŝkoj kaj kaleŝoj iom maldensiĝis Z
probablodenso STAT la derivaĵo (se ĝi ekzistas) de akumula probablodistribuo.