★gas/o

1 ☐ Ĉiu aersimila fluido, precipe el tiuj, kiuj ne likviĝas aŭ solidiĝas je normala temperaturo: hidrogeno, nitrogeno, oksigeno estas gasoj; ideala gaso (modelo de maldensa gaso, en kiu oni neglektas la intermolekulajn fortojn); raraj gasoj (heliumo, kriptono ktp); la proprecoj de la gasoj estas la ekspansiemo, la elasteco, la kunpremebleco.

2 👥 Hidrokarbono (metano, propano, butano) aŭ miksaĵo de hidrokarbonoj (pasintece ankaŭ miksaĵo de karbona monooksido k hidrogeno) en stato de gaso 1, k uzata por lumigado, hejtado, kuirado, karburaĵo ks: natura, fabrikita gaso; riĉa, malriĉa gaso; fermi, malfermi la gason; gasbotelo (por butano); gasfornelo. ☞ akvogaso. ➞ gasbeko, gasodukto, gasfabriko, gasflamigilo, gasrezervujo.

3 ⚕ Aero akumuliĝinta en la stomako aŭ gaso formiĝinta en la intestoj. ☞ furzo.

4 ⚔ Venena gaso 1, ĝenerale miksaĵo, uzata por difekti la organismon de homo: asfiksiaj, larmigaj, ternigaj, vezikigaj gasoj; mustarda gaso (iperito); gasmasko (kontraŭ la venenaj gasoj); atako per gasoj; gasvenenitaj trupoj. ➞ gaskamero.

5 🚐 ✈ Miksaĵo el gasoj, uzata en la eksplodmotoroj: doni plenajn gasojn; haltigi la gasojn. ➞ gasmotoro, gaspedalo.