PIV 2026 · Artikolo 4569
★flamo
Derivaĵoj en la artikolo 19
★ flamo
1 hela brilo produktata de gasoj eliĝantaj el brulanta materialo: flamo de ligno flamo de karbo malgranda estas la flamo, tamen ne mankas la fumo Z la ĉambreto lumata de la pala flamo de la lampeto Z ŝia profilo sur la ruĝeta fono de la flamo Z
2 flamo 1 kiel signo de detrua fajro: la tuta kastelo estas en flamoj Z ĵeti en la flamojn la varmega sulfura flamo de la infero Z aliaj fandigis oron ĉe malgrandaj flamoj super feraj tripiedoj Z (figurasence) el flamo sin eltiris, en fajron eniris falis en ankoraŭ pli malbonan staton ➞ sub 1 b Ⓔ Z
3 eksciteco de la sentoj: tiu granda flamo de kolero MT kun flamo en la brusto mi petas vian manon Z ho, dolĉaj flamoj rozkoloraj de studentkora am’ naiva! KKa ➞ ardo, entuziasmo, ekzaltiĝo, fajro, fervoro.
flama
1 brulanta kun flamo: la kerubo kaj la turniĝanta flama glavo MT flama lumo (figurasence) la flama Kolĥido Z
2 lumanta kvazaŭ de flamo: flamaj okuloj Z
3 varma kiel de flamo: flamaj vangoj
4 arda aŭ pasia: la flama kolero de la Eternulo MT ho tiam ĉasto de juneco flama disfluidiĝu ! Z flamaj kapoj Z li estas malamiko de Esperanto aŭ ĝia plej flama amiko Z
flami ntr
1 eligi flamojn: flamis nur momente la alumeto ne estingiĝos la flamanta fajro MT
2 havi tian brilon kiel flamo: la flamanta glavo de la kerubo Z ŝi fiksis sur ĝi la silente flamantajn okulojn Z
3 havi tian varmon kiel ĉe flamoj: ŝia kapo tiel flamis kaj la brusto tiel doloris ➞ febro Z larmoj amase fluis sur ŝiaj flamantaj vangoj Z
4 ekscitiĝi de viva sento: flami per kolero Z flami per honto Z flami de amo flami por virino B (figurasence) edziĝo pro amo flamanta al la sako sonanta Z
flameco eksciteco de la sentoj: en flameco mi faris tion aŭ alian Z mi kun juna flameco kaj profunda kredo paroladis Z
flamema tia ke ĝi facile ekflamiĝas: flamema substanco
flamigi
1 fari ion brulantan flamanta: flamigi fajron per blovado
2 forte eksciti iun: flamigi iun kontraŭ iu ŝi estis preskaŭ flamigita de la nova plano, kiu venis al ŝi en la kapon Z
flamiĝa tia, ke ĝi flamiĝas: levas sin, flamiĝe noto en teatraĵo Z
flamiĝi
1 komenci eligi flamojn: de subita vento flamiĝis la karboj ligno fendita facile flamiĝas Z
2 ekscitiĝi: la urbestro kaj aliaj tremas de timo; Ĥlestakov flamiĝas pli forte Z
flamiĝema
1 flamema.
2 tia, ke li aŭ ŝi facile flamiĝas: li estas flamiĝema kiel rezina ligno Z ne komunikiĝu kun homo flamiĝema MT
flamiĝulo iu flamiĝema 2: fiera flamiĝulo Z
flamingo ekstremaĵo de tubo, ĉe kiu eliĝas kaj flamas gaso por lumigado, hejtado k.s. Sin. gasbeko. ➞ duzo.
flamumi tr KUIR verŝi alkoholaĵon (brandon, konjakon, rumon k.s.) sur manĝaĵon kaj flamigi tion: flamumi bifstekon flamumi ĉetable ➞ punĉo.
flamumita HERA havanta siajn randojn en formo de flamlangoj, kunigitaj en la malsupro.
blovoflamo flamo alblovata per aero aŭ oksigeno.
ekflami iĝi flamanta; estiĝi en flaman staton: li rigardis la fajron, kiu ekflamis en la kontraŭa domo Z karboj ekflamis de ĝi Lia buŝo MT
(figurasence) la vizaĝo de Mario ekflamis per honto Z ŝi ekflamis per ofendita fiereco Z ekflamis lia interno pro lia frato kaj li volis plori MT ribelo subite ekflamis
➞ ekflama punkto.ekflamigi fari, ke io komencu flami: ekflamigi alumeton Z ekflamigi lampon (figurasence) ekflamigi ies deziron ekflamigi ribelemon en la koroj
ekflamigilo TEKN meĥanismo por ekflamigi lampon, bombon k.a. ➞ prajmo.
gasflamigilo poŝ- aŭ tablo-flamigilo kun rezervujeto da gaso, por ekbruligi gasbekon, cigaredon k.s.
oferoflamo la flamo de la oferaltaro: la sankta oferflamo Z
sagoflamo flamo, kiu venas en la formo de sago el brulilo.