PIV 2026 · Artikolo 16493
★veneno
Derivaĵoj en la artikolo 13
★ veneno
1 minerala, vegetaĵa aŭ besta substanco aŭ miksaĵo de substancoj, kapabla modifi, difekti kaj eĉ mortigi la vivantajn ĉelojn, histojn, organojn aŭ vivulojn: fosforo estas mortiga veneno B la veneno de vomnukso konsistas el pluraj alkaloidoj multaj venenoj estas etadoze uzataj kiel medikamentoj ➞ tokso.
2 likvo sekreciata de iuj bestoj per speciala glanda aparato, inokulata per piko aŭ mordo kaj havanta la samajn efikojn kiel veneno 1: veneno de vipero veneno de araneulo pereiga veneno de aspidoj MT ➞ apitoksino.
3 (figurasence) io tre malplaĉa aŭ malagrabla: plena glaso da vino, sed kun guto da veneno Z fiŝo sen vino estas veneno Z troa festeno estas veneno Z
venena
1 enhavanta venenon: venenaj beroj MT venenaj fungoj
2 (figurasence) danĝera kiel veneno: li estas tre venena kontraŭ mi Z paroloj plej venenaj Z venena influo
veneni tr
1 meti venenon en ion: ili venenis la putojn Z la vino, ha, la vino! Ho, Hamleto! Ĝi estis venenita! Z mi venenus la oceanon, por ke ili trinku morton el ĉiuj fontoj! Z
2 sorbigi venenon al iu cele al mortigo: veneni rabian hundon B kuradi kiel venenita muso Z
3 (figurasence) malagrabligi aŭ malfeliĉigi ion: donacon reprenu kaj mian vivon ne venenu Z tiu ĉi batalado pri la pano tre venenis mian vivon Z vi venenas mian maljunecon B veneni la plezuron Z veneni la ĝuadon polvo, kiu tage venenis la spiradon B la interregnaj rilatoj estas venenataj de la problemo de la naciecoj venenitaj ĝojoj Z
venenado ago veneni.
veneneca havanta la ecojn de veneno: maljuna, tre veneneca virino Z
veneniĝo stato de iu venenita.
faloida veneniĝo veneniĝo pro faloida amanito.
fiŝveneno ĥemiaĵo por mortigi fiŝojn.
gasveneni veneni iun per gaso: gasvenenitaj trupoj
kontraŭveneno substanco efika kontraŭ veneno. ➞ venenimuna.
memvenenado, sinvenenado ago de iu, kiu mortigas sin per veneno.
nevenena serpento, insekto k.s. ne produktanta venenon.