PIV 2026 · Artikolo 8217

kondensi

Litero K

Derivaĵoj en la artikolo 6
  1. kondenso
  2. kondensad/o
  3. aldol/a kondensad/o
  4. kondensaĵ/o
  5. kondensil/o
  6. re/flukondensil/o
kondensi tr
1 FIZI KEMI transirigi vaporon al likva aŭ solida stato. ➞ faztransiro.
2 KEMI kombini du aŭ kelkajn substancojn en substancon kun pli grandaj molekuloj, eligante aliajn produktojn. ➞ polimerigi.
3 FIZI (evitinde) = kolekti ion en kondensilo, ekz. ŝargon.
1 Tiu senco kutime aperas nur en la derivaĵo kondensilo.
4 FIZI en optiko kunigi lumfaskon per konverĝiga lenso: kondensi lumon
5 plikompaktigi tekston k.s. per ellaso de superfluaj vortoj kaj negravaj detaloj.
kondensoPSIK en revoj aŭ sonĝoj nekonscia procedo de la imago, per kiu ĝi miksas kaj kunfandas diversajn malsamajn bildojn, kiuj havas komuna la saman afekcian nuancon.
kondensado agado kondensi: KEMI artaj rezinoj estas preparataj per kondensado
aldola kondensado kombinado de du aldehidoj enhavantaj α-hidrogenojn.
kondensaĵo FIZI
1 kondensita materio.
2 makroskopa aro de bosonoj en ununura kvantumstato. ➞ superkonduktanto.
kondensilo
1 FIZI KEMI en distililo tubo (ĝenerale ĉirkaŭita de mantelo kun malvarmiga akvo) por kondensi la distilitan vaporon.
2 ELEK kapacitaĵo por praktika uzado; sistemo de plakduoj disigitaj unu de la alia sur la tuta amplekso de ilia surfaco per izolanta medio maldika.
3 FIZI en optiko = (prefere) kondensoro.
reflukondensilo kondensilo, kiu refluigas la likvon en la ujon, el kiu ĝi venas.