PIV 2026 · Artikolo 11627

★paliso

Litero P★ Fundamenta

Derivaĵoj en la artikolo 5
  1. palisa
  2. palisar/o
  3. paliset/o
  4. palisum/i
  5. al/ligpaliso
★ paliso
1 forta ligna stango malsupre pintigita, kiun oni starigas enigante ĝin en la teron: barila paliso Z la ponardo staris en lia ventro, kiel paliso en vinberejo Z paliso por subteni la branĉon de fruktarbo la paliso de torturo ĉe pasintecaj nord-amerikaj indianoj ➞ fosto.
2 HERA figuro en formo de larĝa vertikala strio.
palisa
1 rilata al paliso.
2 BOTA aspektanta kiel paliso aŭ palisaro: palisa ĉelo palisa parenkimo
palisaro barilo formita de vico de palisoj: li iris al la palisaro de la ĝardeno kaj rigardis la georginojn Z
paliseto bastono malsupre pintigita, kiun oni parte enigas en teron: paliseto por subteni vegetaĵon, por fiksteni tendon aŭ rektoŝnuron de ĝardenisto, por provizore difini limon, vojon aŭ foson ➞ lignonajlo.
palisumi tr turmentege mortigi iun sidigante lin/ŝin sur pinta stango, kiun oni enigas en lin/ŝin: ili palisumas la venkitojn aŭ deŝiras de ili vivantaj la haŭton B
alligpaliso paliso fiksita en akvo por alligi i.a. boaton.