PIV 2026 · Artikolo 11713

★paro

Litero P★ Fundamenta

Derivaĵoj en la artikolo 19
  1. para
  2. pare
  3. parec/o
  4. parig/i
  5. parig/ist/o
  6. parig/ist/in/o
  7. pariĝ/a
  8. pariĝ/i
  9. parul/o
  10. parul/in/o
  11. bazpariĝ/o
  12. elektronparo
  13. kromosomoparo
  14. malpara
  15. monparec/o
  16. nepara
  17. nukleparo
  18. nukle/oparo
  19. timonparo
★ paro
1 kunaĵo el du samspecaj objektoj destinitaj por duopeco: paro da gantoj paro da ŝuoj jen kuŝas ja paro da galoŝoj! Z (proprasence kaj figurasence) du botoj faras paron veturi sur sia paro da kruroj Z ➞ parkreo.
2 kunaĵo el du samspecaj homoj aŭ aliaj vivuloj: en la dometo loĝis paro da maljunaj homoj, vilaĝano kaj vilaĝanino Z amantaj paroj renkontiĝas Z bela paro por altaro Z paro da bovoj paro da amikoj pli tiras virina haro, ol ĉevala paro Z la maljuna cikonia paro kvazaŭ personoj Z
3 MATE ordita duopo; duvico.
para
1 konsistiganta paron: paraj turtoj paraj kolonoj ➞ gea.
2 MATE estanta entjera oblo de 2: 6 kaj −6 estas paraj nombroj
pare duope.
pareco FIZI kvantuma nombro rilata al transformiĝo de kvantumstato je speguliĝo. ➞ parecbito.
parigi kunigi aferojn en paron: parigi kolombojn parigi ĉashundojn parigi ŝtrumpetojn ➞ geigi.
parigisto, parigistino
1 iu, kiu parigas bestojn por reproduktado.
2 persono, kiu kontraŭ pago renkontigas viron kaj virinon por sekskuniĝo: nun mankas ankoraŭ, ke ni fariĝu virinoj kaj parigistinoj Z Sin. peristo 2.
pariĝa rilata al pariĝo: la pariĝa tempo de la birdoj
pariĝi
1 fariĝi paro: la du afiŝoj pariĝas belege kaj simetrie CRo en la duobla helico adenino ĉiam pariĝas kun timino STN
2 sekskuniĝi: konstrui neston kaj pariĝi kaj meti ovojn FSz
parulo, parulino homo, kiu faras paron kun alia: Ŝillero estas vere la parulo de Goeto en la poetiko ŝi estis mia parulino en tiu balo
bazpariĝo BIOL ĉe polinukleotido kuniĝo de du homologaj nukleobazoj: guanino kun citozino aŭ adenino kun timino (aŭ uracilo).
elektronparo KEMI du elektronoj funkciantaj kune, precipe du elektronoj formantaj kovalentan ligon.
kromosomoparo BIOL ĉe duploida ĉelo duopo de ordinare similaj kromosomoj pariĝantaj dum la unua duono de la mejozo; unu devenas el la virseksa generinto, la alia el la inseksa.
malpara ne plu havanta la duan elementon de la paro: malpara ganto malpara ŝtrumpo
monpareco EKON tia situacio, kiam la valoro de interŝanĝo de du monunuoj estas la sama en la du landoj. ➞ spekulacio.
nepara MATE ne estanta entjera oblo de 2: ĉiuj primoj krom 2 estas neparaj
nukleparo, nukleoparo BIOL ĉe fungoj paro da nukleoj, unuploidaj kaj genare diferencaj; unu estas virseksa, la alia inseksa.
timonparo paro da timonoj, inter kiuj tirbesto estas unuope jungita.