PIV 2026 · Artikolo 12119

★petoli

Litero P★ Fundamenta

Derivaĵoj en la artikolo 7
  1. petola
  2. petolo
  3. petolad/o
  4. petolaĵ/o
  5. petolem/a
  6. petolul/o
  7. transpetoli
★ petoli ntr
1 uzi sian troon da energio en sencelaj viglaj sendisciplinaj movoj: juna kamelino rapidpieda, petolanta sur sia vojo MT la hundeto petolis ĉirkaŭ liaj kruroj birdo petolas, kiom ĝi volas Z petolantaj infanoj sur la herbejo Peĉjo, ne petolu!
2 agadi ŝerce, sendiscipline aŭ senkonsidere, kontraŭ la reguloj de bonkonduto: la frato petolas sur la stratoj kaj eble baldaŭ fariĝos ŝtelisto Z sango bolas, juneco petolas Z petolu, diboĉu, sed poste sorton ne riproĉu Z juneco petolis, maljuneco malsatos Z ➞ transpetoli.
3 amuzi sin karesante alian homon en erotika maniero: kion do ĝi kostos al vi, se vi lasos min iom petoli kun vi? Z la Hebreo venis al mi, por petoli kun mi; sed kiam mi laŭte ekkriis, li lasis sian veston ĉe mi MT
petola petolanta: lang’ estas mola kaj laŭvole petola Z li palpebrumas petole kaj montras per la okuloj la akompanatinon Z (figurasence) ŝiaj petolaj haroj estis ligitaj nur per rubando B
petolo ŝerca senkonsidera ago, kiel tiu de infano: troa petolo danĝera al kolo Z tamen ĝi estis petolo, de kiu oni povus krevi Z ĉu vi opinias, ke viaj studentaj petoloj en Lepsiko prezentas la limojn de homa sprito? Z
petolado konduto petola: infanon malbonigas ne petolado, sed malbona kamarado Z unu knabo diris, ke estas peko kaj honto moki bestojn, kaj li ne partoprenis en ilia petolado Z lia nuna gajeco iom post iom ricevis la formon de ĝojega petolado Z drinkado, duelado, eĉ petolado kun virinoj Z
petolaĵo petolo: li ne povis ordigi siajn pensojn, li pensis, ke lia ekscitita imago faris al li petolaĵon Z
petolema amanta aŭ inklina petoli: petolemaj infanaj vizaĝetoj, kiuj rigardis tra la plektaĵoj Z kontrolanta per sia rigardo la petolemajn movojn de du malgrandaj infanaj figuroj Z la ore broditaj vestoj palpebrumis al ŝi kvazaŭ per mil petolemaj okuloj Z
petolulo infano aŭ homo, kiu emas al petolado. ➞ bubo.
transpetoli petoli dum transiro de io: vi estas facilanima knabo, kiu transpetolas frivolas farante la grandan paŝon de sia vivo Z