PIV 2026 · Artikolo 12143
★piceo
Derivaĵoj en la artikolo 6
★ piceo BOTA pinglarbo, kun daŭraj pingloj kvarflankaj, ligitaj unuope al branĉoj; kun unuopaj virseksaj floroj kaj kun maturaj konusoj pendaj, defalantaj integraj; nordhemisfera kaj malvarmeja, pluraj kultivataj por ornamo kaj ĉarpentado; junaj arboj uzataj en nord-eŭropaj landoj kiel ornamaĵo ĉe la festo de Kristnasko. genro Picea ➞ pinaco, abio, kristnaska arbo.
abiopiceo ordinara piceo.
blanka piceo, glaŭka piceo piceo el la nordo de Nord-Ameriko, kun mallongaj blankete verdaj pingloj kaj kun konusoj nur 3–6 cm longaj, kultivata por ornamo kaj fabrikado de papero. specio Picea glauca
jeza piceo piceo el nordorienta Azio kaj Japanujo, kun plataj pingloj malsupraflanke tre blankaj, kultivata i.a. kiel bonsajoj. specio Picea jezoensis
ordinara piceo piceo, el Eŭropo (montaroj kaj Skandinavujo), kun malhele verdaj kvarflankaj pingloj pintapeksaj kaj kun cilindraj konusoj 10–15 cm longaj; forstumata kaj orname kultivata (multaj kultivoformoj). specio Picea abies Sin. abipiceo.
orienta piceo piceo el Kaŭkazo, alta arbo forstumata kaj orname kultivata. specio Picea orientalis