PIV 2026 · Artikolo 12373
★plaŭdi
★ plaŭdi ntr
1 akvo eligi specialan bruon, batigante kontraŭ plataj supraĵoj, aŭ batate per io plata: la ondoj plaŭdis sub la remiloj plaŭdis la akvo fluanta en la riveroj B fontano, kie blankaj akvoj plaŭdas la maro plaŭdas kontraŭ la rokoj la maro plaŭdas kontraŭ la ŝipo
2 eligi bruon, batante akvon per io plata: anseroj plaŭdas en akvo per la flugiloj Moab plaŭdos en sia vomaĵo MT la remiloj plaŭdas sur la akvo infanoj volonte iradis en la akvon kaj plaŭdadis per la piedetoj Z
3 eligi bruon similan al tiu de plaŭdanta akvo: ĉe la fenestroj plaŭdas la flagoj plaŭdu per viaj manoj, frapu per via piedo MT la veturiloj plaŭdas tra la vojkavoj ➞ aplaŭdi, klaki, ŝmaci.
plaŭda plaŭdanta: la plaŭdaj ondetoj de la lago subite io plaŭde falis en la akvon
plaŭdo, plaŭdado
1 sono de akvo batanta aŭ batata: la sopira plaŭdo de la senfina pluvo B la plaŭdado de la akvo sur la flankojn de la ŝipo sonis en liaj oreloj kiel funebra sonorado FK ➞ plaŭ.
2 sono simila al tiu de plaŭdanta akvo: subite interrompis la silenton plaŭdado de ĉevalaj piedoj en koto
3 TELE kontraŭnorma radiado de larĝzona eksterkanala radiobruo pro misagordo de la sendilo.
plaŭdeto
1 mallaŭta plaŭdo.
2 MEDI mallaŭta plaŭdo stetoskope aŭdebla, kiam oni skuetas la abdomenan parieton, se la stomako aŭ intesto entenas likvon kaj gason.
plaŭdigi igi akvon aŭ platan objekton plaŭdi: la batiloj de la lavistinoj plaŭdigis la ŝaŭmon
plaŭdiĝi subite plaŭdi; ekplaŭdi: fiŝoj elsaltis super la akvon, kiu plaŭdiĝis Z ➞ plaŭ.