PIV 2026 · Artikolo 12411
★plori
Derivaĵoj en la artikolo 10
★ plori ntr larmi pro forta emocio, plej ofte doloro aŭ malĝojo, ofte kune kun (konvulsiaj) ĝemoj: li demandis ŝin pro kio ŝi ploras FE ŝi komencis maldolĉe plori Z la reĝino revenas, vidas, ke la reĝo mortis kaj pasie ploras Z la belaj okuloj ploris per pezaj larmoj Z ŝi ploris, sed ne el malĝojo, kiam li premis ŝin al sia koro Z ŝi iris al la gepatroj, ĉirkaŭprenis kaj kisis ilin: ĉiuj ploris de l’ ĝojo B
(malofte) tr ni devas plori larmojn de malĝojo Z multe da larmoj estis ploritaj pri ĝi Z
(figurasence) ofte kantas la buŝo, kiam ploras la koro Z ploro, plorado ago plori: ne sufiĉas ploro al kreditoro Z ne atentu lian ploradon Z fine ĝi endormiĝis de la plorado Z plenda plorado de la filoj de Izrael MT
ploregi plori kun multe da larmoj aŭ kun laŭtaj ĝemoj: tie kuŝis viro sur la lito de l’ morto kaj agoniis, lia edzino laŭte ploregis B ➞ plorĝemi.
plorema
1 inklina al plorado: Kristina estis ankoraŭ tre junulineca kaj iom plorema PeS Galaor havis komplezeman naturon, ne montriĝis tiel afekte delikata nek tiel plorema kiel lia frato FDi
2 montranta ies inklinon al plorado, karakterizata de inklino al ploro: ie alte sur la supro de arbo sonis kvazaŭ plorema alvoko la nesilentiĝanta pepo de juna nizo B plorema voĉeto CPi
ploreti eligi iomon da larmoj eble kun kelke da plendaj sonoj: unue li koleris kaj poste ploretis amare VEr ➞ jelpi.
ekplori subite plori: ŝi eksidis sur la benko, almetis tukon al la okuloj kaj ekploris B
elplori tr eligi fortajn emociojn plorante:per la larmoj, ŝi videble elploris parton de tiuj mordantaj sentoj Z mi elploru mian doloron vespere post zorga fermo de la pordo SSz
priplori tr afliktiĝi kaj ploradi pro la perdo de iu aŭ io kara: la Izraelidoj priploris Moseon sur la stepoj de Moab dum tridek tagoj MT ni, kune kaj unuope, helpos vin priplori vian misfortunon FDi
priplorinda tre malbonŝanca aŭ bedaŭrinda; en tre malbona stato: la kadavro de la priplorinda ĉefpastro HLu malnovaj dokumentoj troviĝantaj en priplorinda stato AKü
sat1plori ĝisfine plori: la virino satplorinte daŭrigis B