PIV 2026 · Artikolo 1254

1asklepiado

Litero A

1 asklepiado BOTA plurjara herbo el Nord- kaj Mez-Ameriko, kun simplaj folioj (ofte kontraŭe duopaj); la floroj estas unuopaj aŭ precipe umbele ariĝintaj, kaj en ili abundas blanka laktosimila suko; kelkaj specioj estas orname kultivataj. genro Asclepias ➞ laktosuko.
siria asklepiado alta asklepiado, kun rizomoj, kun ovalaj folioj kaj kun malgrandaj pale purpuraj floroj en cumoj; ĉiuj partoj enhavas blankan latekson; kvazaŭhejma en Eŭropo. specio Asclepias syriaca ➞ vatherbo.