★rekomend/i

1 Prezenti en taŭga maniero ion aŭ iun, por altiri al tio aŭ tiu ies ŝaton, favoron, prizorgon: rekomendi varon, manĝaĵon, hotelon, novan specon de tabako; la antaŭparolo, kiun mi ripete rekomendas al via plej granda atento ^Z; nur la uzado de h anstataŭ ^ estas rekomendata ^Z; rekomendi kandidaton, serviston ^B; faro farinton rekomendas ^Z; ni rekomendas al vi antaŭ ĉio la prezidanton ^Z; sin rekomendi al la graco de Dio; mi estas rekomendita por la ordeno de Vladimiro ^Z.

2 Insiste konsili, atentigi pri io farinda: la kuracisto rekomendis al li ĉesigi la fumadon; rekomendi al iu paciencon ^B; jam multaj aŭtoritatuloj rekomendis la instruadon de E. en la lernejoj; oni rekomendis al mi fari la aferojn sekrete ^Z; mi nepre rekomendas, ke vi ne pretervidu tiun ekspozicion.

3 (evi) = registri: mi sendis al vi per rekomendita banderolo tradukon ^Z.