PIV 2026 · Artikolo 13374
repliko
Derivaĵoj en la artikolo 3
repliko
1 respondo al tio, kion alia asertis aŭ postulis en diskutado: ŝi havas ĉiam pretan replikon
2 SPEK lastaj vortoj de parolo de aktoro, signalantaj, ke alia aktoro ensceniĝu aŭ ekparolu: doni la replikon maltrafi la replikon
3 BELA duplikato, kiun artisto mem faras pri unu sia verko.
repliki tr diri ion kiel replikon: mi replikis, ke kritiko baziĝas sur faktoj, ne sur emocio SMa la mastro replikis, mi ne scias per kiaj ekskuzoj kaj impertinentoj FDi nenion repliku, eĉ ne pepu prefere! VVi ne repliku, obeu ➞ rebati.
replikado BIOL memkopiado de nuklea acido: DNA-figurasence replikado estas duon-konserva, ĉar en la du finaj fadenparoj estas unu fadeno nova kaj unu fadeno malnova ➞ transskribado.
senreplika tia, ke oni ne replikas al ĝi: serĉante senreplikan argumenton, la usona prezidanto George Herbert Bush skoldis sian demokratan kontraŭulon MD iliaj mensogoj ne restos senreplikaj MDG