PIV 2026 · Artikolo 13427

revolucio

Litero R

Derivaĵoj en la artikolo 5
  1. revolucia
  2. revolucii
  3. revoluciism/o
  4. revoluciist/o
  5. revoluciul/o
revolucio POLI SOCI
1 subita ŝanĝo, ordinare plenumata per eksterleĝaj rimedoj, kiun granda nombro da samcelanoj okazigas en la politika reĝimo de lando aŭ en la registara personaro: sanga revolucio paca revolucio parlamenta revolucio palaca revolucio per intrigoj inter la korteganoj aŭ registoj sufoki revolucion en la sango triumfigi revolucion la Angla Revolucio 1688 Franca Revolucio 1789 Rusa aŭ: Oktobra Revolucio 1917 pro la revolucio en nia lando mi ne povos regule partoprenadi Z ➞ puĉo, ribelo, ŝtatrenverso.
2 subita profunda ŝanĝiĝo en la irado de afero: la ekonomia revolucio de la 19a jc en Eŭropo struktura revolucio en la industriego la kolorfilmo estis vera revolucio en la kinoarto plej grandaj elpensoj ne faros en la vivo de la homaro tian bonfaran revolucion, kian faros la enkonduko de lingvo internacia! Z ➞ evoluo.
revolucia rilata al revolucio: revolucia spirito revolucia partio revolucia periodo (figurasence) revoluciaj procedoj
revolucii tr fari revolucion en io: lia aresto revoluciis la tutan urbon
revoluciismo POLI koncepto, laŭ kiu la starigo de pli justa reĝimo en la socio povas okazi nur per radikala forigo de la ekzistantaj institucioj. ➞ reformismo.
revoluciisto, revoluciulo homo, kiu partoprenas en aŭ agitas por revolucio.