PIV 2026 · Artikolo 4211

evolui

Litero E

Derivaĵoj en la artikolo 9
  1. evoluo
  2. evoluad/o
  3. daŭr/i/pov/a evoluo
  4. evoluig/i
  5. evoluig/o
  6. daŭr/i/pov/a evoluig/o
  7. evoluism/o
  8. evoluist/o
  9. subevoluint/a
evolui ntr
1 iom post iom disvolviĝi; regule kaj laŭnature kreskadi aliformiĝante: tiu natura kaj rekta vojo, laŭ kiu ĝi Esperanto evoluas Z ➞ evoluipovo.
2 iom post iom pasi tra diversaj ŝanĝoj: kun la tempo, lia karaktero evoluadis ĝis ekstrema mildeco
evoluo, evoluado
1 iom-post-ioma laŭnatura disvolviĝo kaj aliformiĝo: evoluo de la bestoj evoluo de la plantoj evoluo de la lingvoj la teorio de evoluado evoluismo la evoluado de la lingvo fariĝos per la senrompa vojo de neologismoj kaj arĥaismoj Z
2 iom-post-ioma ŝanĝiĝo: la evoluo de la lingvaj teorioj la evoluo de la militaj metodoj ➞ procezo; evoluhelpo, evolulando.
Sin. evolucio.
daŭripova evoluo EKOL evoluo, kiu kontentigas la bezonojn de la nuna generacio ne endanĝerigante la eblojn de venontaj generacioj kontentigi siajn bezonojn: multlingveco iĝis vaste agnoskata kiel strategia faktoro por paco kaj daŭripova evoluo RE! ➞ daŭripova evoluigo.
evoluigi gvidi al evoluo kaj nova stato. ➞ disvolvi 2.
evoluigo ago evoluigi; POLI klopodo plibonigi la situacion de ekonomie malriĉaj evolulandoj: Eŭropa Banko por Rekonstruo kaj Evoluigo EGv Internacia Asocio por Evoluigo Mo!
daŭripova evoluigo kaŭzado de daŭripova evoluo: mi plenumos taskojn, por kiuj UN estis fondita: paco, homaj rajtoj kaj daŭripova evoluigo JHa
evoluismo BIOL FILO scienca teorio, laŭ kiu la specioj originas el praformoj per evoluado. ➞ darvinismo, lamarkismo, mutaciismo, transformismo.
evoluisto partiano de evoluismo.
subevoluinta tia, ke ĝia evoluo estis ial malfruiĝinta: la tropikaj subevoluintaj zonoj subevoluinta lando