PIV 2026 · Artikolo 10746

mutacio

Litero M

Derivaĵoj en la artikolo 11
  1. mutacii
  2. mutaciig/a
  3. mutaciig/i
  4. mutaciint/o
  5. mutaciism/o
  6. mutaciul/o
  7. fazmutacio
  8. retromutacio
  9. transmutacii
  10. transmutacio
  11. transmutaciig/i
mutacio BIOL subita ŝanĝiĝo de geno, de la strukturo de kromosomo aŭ de la nombro de kromosomoj, kiu iufoje manifestiĝas per ŝanĝiĝo de la responda(j) hereda(j) karaktero(j); mutacioj okazas ĉefe pro ŝanĝiĝo de DNA, ekz. breĉo en iu parto, enŝovo de fremda DNA, duoblado, inversiĝo ktp: punkta mutacio ŝanĝiĝo de nur unu nukleobazo enŝova mutacio foriga mutacio aldono, resp. forpreno de peco de DNA ➞ translokiĝo.
mutacii ntr ŝanĝiĝi pro mutacio: geno mutacias
mutaciiga tia, ke ĝi estigas mutacion: iuj ĥemiaĵoj kaj radiadoj estas mutaciigaj
mutaciigi estigi mutacion.
mutaciinto mutaciinta geno.
mutaciismo doktrino, kiu klarigas la evoluon de la vivuloj per mutacioj. ➞ darvinismo, lamarkismo, transformismo.
mutaciulo ĉelo aŭ vivulo karakterizata de mutaciinta geno.
fazmutacio ŝanĝiĝo de la fazo 7 de kodonoj pro aldono aŭ forigo de bazoj, kies nombro ne estas oblo de 3.
retromutacio BIOL mutacio de jam mutaciinta geno, kies efiko estas reveno al la normala geno.
transmutacii KEMI elemento transiĝi en alian elementon.
transmutacio KEMI transiĝo de unu ĥemia elemento en alian: la radioaktiva transmutacio de radiumo en radonon
transmutaciigi transformi unu ĥemian elementon en alian: la alĥemiistoj esperis transmutaciigi plumbon en oron