PIV 2026 · Artikolo 5104
geno
Derivaĵoj en la artikolo 14
geno BIOL kromosoma elemento, heredaĵero, kiu regas la sintezon de polipeptido (kaj sekve partoprenas en la regado de la ĉel-funkciado) kaj ankaŭ la sintezon de ribosoma kaj transdona RNA. ➞ gena banko, genloko.
gena rilata al geno(j): gena mutacio VLe gena modifo Ko ➞ genetika.
genaro tuto de la genoj de individuo, manifestiĝantaj aŭ latentaj: genaro estas kondiĉita de la genoj, kiujn la unua ĉelo (zigoto) akiras sekve de la unuiĝo de virseksa kaj inseksa gametoj ➞ genprovizo, genotipo, klono; genomiko.
ced1a geno ➞ ceda.
cisaga geno regiono de DNA, kiu efikas sur la transskribado 2 de proksima geno en la sama DNA-fadeno.
epistata geno geno kaŝanta la efikon de alia geno.
hipostata geno geno senefika pro la influo de alia geno.
homeota geno geno reganta la embrian disvolviĝon, pli speciale la diferenciĝon de organoj.
plurefika geno geno efikanta al pluraj ecoj.
regul1iga geno geno reganta la agadon de strukturaj genoj.
struktura geno geno senpere reganta la sintezon de proteino. ➞ genotipo.
superrega geno domina geno.
transaga geno regiono de DNA, kiu efikas sur la transskribado 2 de geno en alia DNA-fadeno.
transgena BIOL ĉelo, ĉelaro aŭ individuo ricevinta kroma(j)n geno(j)n de fremdaj ĉeloj pro transdono, transformo aŭ alia neseksa procezo. ➞ manipulado.
transgenigi fari ĉel(ar)on aŭ individuon transgena.