PIV 2026 · Artikolo 12917
★provizi
Derivaĵoj en la artikolo 12
★ provizi tr
1 fari, ke iu aŭ io ricevu ion bezonatan: provizi armeon per municioj provizi kelon je vino B provizi iun je ĉio necesa B provizi amikon per mono provizi ĝardenon per akvo Z provizi la gazetaron per informoj pri la kongreso provizi aviadilon per benzino dum flugado lia kuirejo kaj kelo estas bone provizitaj Z ➞ liveri, ekipi.
2 almeti ion al objekto por ĝin kompletigi: provizi botelon per korko Z provizi fenestrojn per vitroj provizi bibliotekon per binditaj libroj ĉi tiu juda kvartalo estis provizita per fortaj muregoj Z seĝoj, kies apogilo supre estis provizita per pendanta tabuleto Z kvarangula, per la leĝaj ritpenikoj provizita tuko Z ➞ garni.
3 prizorgi bezonon: la bezonoj estis malavare provizitaj B
provizi sin havigi al si ion necesan por estonta uzo: por vojaĝoj en la nordaj landoj oni devas ĉiam bone sin provizi Z kiu lernas Esperanton, tiu provizas sin per plia armilo por la vivbatalo Sin. proviziĝi.
proviza prezentanta provizon: havi provizan alfabeton por fremdaj sonoj Z ➞ vica.
provizo ago provizi kaj ties rezultoj, t.e. abunda materialo aŭ sufiĉe granda kolekto de objektoj, kiujn oni povas bezoni: prepari provizojn B li donis al ili provizojn por la vojo MT li atente observis, ĉu sufiĉos la provizo de panbiskvitoj B neelĉerpebla provizo de manĝaĵoj Z
(figurasence) facila akirado de provizo de vortoj Z riĉaj provizoj da diversaj pensoj Z la soluleco amasigis en ŝia kapeto provizon da pensoj Z
➞ provianto.provizado ago provizi: ĝenerala provizado de armeo per municioj aŭ brulaĵo la provizado de la modernaj urboj je akvo estas grava problemo en somero
provizejo loko, kie oni tenas provizojn: plenigi la provizejojn per greno (figurasence) ekspluati ĉion, kion ajn li posedus en la provizejo de sia menso Z ➞ benzinprovizejo, manĝoprovizejo.
proviziĝi provizi sin: la presejoj proviziĝos je nia alfabeto Z
benzinprovizejo provizejo de benzino.
genprovizo BIOL tuto de ĉiuj genaj variaĵoj en difinita populacio 2.
manĝoprovizejo, manĝprovizejo provizejo de manĝaĵoj: ĝi estas bonega manĝprovizejo Z
senproviza ne havanta provizojn.
vortprovizo (figurasence) tuto de la vortoj konataj de persono, uzataj en difinita verko, ekzistantaj en iu lingvo ktp: oni komparu nur la kvazaŭan vortprovizon de 10-jara infano (34.000) kun la vortprovizo de mezklera plenaĝulo (35.000) ILa Malovec mem tre bone uzas la vortprovizon de Esperanto en sia libro DBr Sin. vortostoko. ➞ leksiko.