PIV 2026 · Artikolo 5048

garni

Litero G

Derivaĵoj en la artikolo 6
  1. garnaĵ/o
  2. brems/ogarnaĵ/o
  3. felt/ogarni
  4. fergarni
  5. metalgarni
  6. ŝtopgarnaĵ/o
garni tr
1 iu almeti ion al objekto por ĝin ŝirmi aŭ plifortigi: garni muron per pikiloj garni vitron per kadro garni barelon per feraj ringegoj garni fendon per cemento garni brakseĝon per tego ➞ armaturi.
2 iu almeti ion al objekto por ĝin kompletigi laŭ ĝia destino: garni bibliotekon per libroj garni fenestron per vitraĵo garni veston per butonoj garni tablon garni teleron bifsteko garnita per legomoj garni vazon per floroj ➞ ekipi, provizi.
3 iu almeti akcesoraĵon al objekto por ĝin ornami: garni ĉapelon per plumoj li garnis la domon per multekostaj ŝtonoj MT artefarita najtingalo garnita per diamantoj Z domoj garnitaj per blazonŝildoj Z
4 io servi por garni:kadro garnanta spegulon brodaĵoj, kiuj garnas robon ➞ provizi, garnituro.
garnaĵo
1 io, kio garnas: vestoj kun garnaĵo el flugiloj de muŝoj Z kostumo, kiu havis garnaĵon el grandaj blankaj sambukaj floraĵoj Z interna garnaĵo el pelto ➞ subŝtofo libro, kiu estis bindita en veluro kaj havis arĝentan garnaĵon Z perioda garnaĵo monata garnaĵo por menstruoj
2 TEKN elasta aŭ izolanta plata ringo aŭ aliformita enmetaĵo, kiu nepenetrebligas kaldronon, tuban flanĝon ktp. ➞ bremsogarnaĵo.
3 KUIR io, kio plenigas aŭ akompanas la ĉefan elementon de plado: kotleto kun garnaĵo volovana garnaĵo
bremsogarnaĵo garnaĵo 2 de bremso.
feltogarni provizi ion per felta garnaĵo: feltogarni la flankojn de pordo feltogarni la subaĵon de tapiŝo
fergarni provizi ion per fera garnaĵo: fergarnita pordo Z
metalgarni provizi ion per metala garnaĵo: kana bastono metalgarnita Z
ŝtopgarnaĵo fadenaĵo el kanabo aŭ simila substanco, kiu hermetike fermas spacon inter flanĝoj, ĉirkaŭ pordo aŭ fenestro k.s.